‾ନୂଆଦିଲ୍ଲୀ: ଭାରତ ଯୋଡୋ ନ୍ୟାୟ ଯାତ୍ରା ଆଣିଲା କୋଟି କୋଟି ଟଙ୍କା। ୨ ଘଣ୍ଟାରେ ୨ କୋଟି କମାଇଲା କଂଗ୍ରେସ। କ୍ରାଉଡ ଫଣ୍ଡିଂରେ ଏହି ପଇସା ଆୟ କରିଛି ଦଳ। କଂଗ୍ରେସ ନେତା ଅଜୟ ମାକେନ୍ ଏବଂ ଜୟରାମ ରମେଶ ସାମ୍ବାଦିକ ସମ୍ମିଳନୀ କରି ଏହି ସୂଚନା ଦେଇଛନ୍ତି। ଭାରତ ଯୋଡୋ ନ୍ୟାୟ ଯାତ୍ରା ପାଇଁ ଜନତାଙ୍କ ପାଣ୍ଠି ୨୦ କୋଟି ଟଙ୍କା ଅତିକ୍ରମ କରିପାରିବାର କ୍ଷମତା ରଖିଛି ବୋଲି ଦଳ ଆଶା ରଖିଛି।
ଭାରତ ଯୋଡୋ ନ୍ୟାୟ ଯାତ୍ରାରେ ନୂଆ କଣ?
ଅଜୟ ମାକନ ଆହୁରି ମଧ୍ୟ କହିଛନ୍ତି ଯେ ‘ଏହି ଯାତ୍ରାରେ ଅନେକ ନୂତନ ଜିନିଷ ଯୋଗ କରାଯାଇଛି। ‘ଡୋନେଟ ଫର ନ୍ୟାୟ’ ଥିମରେ ପ୍ରଥମ- ୬୭୦ ଟଙ୍କା ଦାନ କରୁଥିବା ବ୍ୟକ୍ତି ରାହୁଲ ଗାନ୍ଧୀଙ୍କ ଦ୍ୱାରା ଉପହାର ସ୍ୱରୂପ ଦସ୍ତଖତ ହୋଇଥିବା ଏକ ଟି-ସାର୍ଟ ପାଇବେ। ଦ୍ୱିତୀୟ- ଯେଉଁମାନେ ୬୭ ହଜାରରୁ ଅଧିକ ଦାନ କରନ୍ତି ସେମାନଙ୍କୁ ଏକ କିଟ୍ ଉପହାର ଦିଆଯିବ। ତୃତୀୟ- ଯିଏ କିଛି ଦାନ କରେ ତାଙ୍କୁ ରାହୁଲ ଜୀଙ୍କର ବ୍ୟକ୍ତିଗତ ଭାବେ ଦସ୍ତଖତ ପତ୍ର ଦିଆଯିବ। ଦାନର ଏକ ପ୍ରମାଣପତ୍ର ମଧ୍ୟ ଦିଆଯିବ।