Afghanistan Earthquake: ଭୂମିକମ୍ପ ପୀଡିତଙ୍କ ପାଇଁ ସାହାଯ୍ୟର ହାତ ବଢାଇଲା ଭାରତ; କାବୁଲରେ ପହଞ୍ଚିଲା ୨୧ ଟନ୍ ରିଲିଫ୍ ସାମଗ୍ରୀ

ନୂଆଦିଲ୍ଲୀ: ଭାରତ ଆଫଗାନିସ୍ତାନର ପ୍ରକୃତ ବନ୍ଧୁ। ଏହା ପୁଣିଥରେ ପ୍ରମାଣିତ ହୋଇଛି। ଆଫଗାନିସ୍ତାନରେ ହୋଇଥିବା ଭୟଙ୍କର ଭୂମିକମ୍ପ ପରେ ଭାରତ ପୁଣି ଥରେ ପ୍ରଥମେ ସାହାଯ୍ୟର ହାତ ବଢ଼ାଇଛି । ଭୂମିକମ୍ପ ପୀଡିତଙ୍କୁ ସାହାଯ୍ୟ କରିବା ପାଇଁ ଭାରତ ରିଲିଫ୍ ସାମଗ୍ରୀ ପଠାଇବା ଆରମ୍ଭ କରିଛି। ବୈଦେଶିକ ମନ୍ତ୍ରୀ ଏସ ଜୟଶଙ୍କର ଏ ବିଷୟରେ ସୂଚନା ଦେଇଛନ୍ତି।ବୈଦେଶିକ ମନ୍ତ୍ରୀ ଜୟଶଙ୍କର ତାଙ୍କର ଆଫଗାନିସ୍ତାନ ପ୍ରତିପକ୍ଷ ଆମିର ଖାନ ମୁତାକିଙ୍କୁ ଆହୁରି ଯୋଗାଣ ପାଇଁ ଆଶ୍ୱାସନା ଦେଇଛନ୍ତି।

Indian earthquake assistance reaches Kabul by air.

21 tonnes of relief materials including blankets, tents, hygiene kits, water storage tanks, generators, kitchen utensils, portable water purifiers, sleeping bags, essential medicines, wheelchairs, hand sanitizers, water… pic.twitter.com/q8TUb1wbSn

— Dr. S. Jaishankar (@DrSJaishankar) September 2, 2025

ସୋସିଆଲ ମିଡିଆ ପ୍ଲାଟଫର୍ମ X ରେ ପୋଷ୍ଟ କରି ବୈଦେଶିକ ମନ୍ତ୍ରୀ ଜୟଶଙ୍କର ଲେଖିଛନ୍ତି, ‘ଭୂମିକମ୍ପ ପୀଡିତଙ୍କ ପାଇଁ ପଠାଯାଇଥିବା ଭାରତର ରିଲିଫ୍ ସାମଗ୍ରୀ ଆକାଶ ମାର୍ଗରେ କାବୁଲରେ ପହଞ୍ଚିଛି। ଯେଉଁଥିରେ କମ୍ବଳ, ତମ୍ବୁ, ସ୍ୱାସ୍ଥ୍ୟ କିଟ୍, ପାଣି ସଂରକ୍ଷଣ ଟ୍ୟାଙ୍କ, ଜେନେରେଟର, ରୋଷେଇ ଘର ପାଇଁ ଉପକରଣ,ପୋର୍ଟେବଲ୍ ୱାଟର ପ୍ୟୁରିଫାୟର, ସ୍ଲିପିଂ ବ୍ୟାଗ, ଅତ୍ୟାବଶ୍ୟକ ଔଷଧ, ହ୍ୱିଲଚେୟାର, ହ୍ୟାଣ୍ଡ ସାନିଟାଇଜର, ଜଳ ବିଶୋଧନ ଟାବଲେଟ୍, ORS ଦ୍ରବଣ ଏବଂ ଚିକିତ୍ସା ପାଇଁ ଉପଯୁକ୍ତ ସାମଗ୍ରୀ ଅନ୍ତର୍ଭୁକ୍ତ। ମୋଟ ୨୧ ଟନ୍ ରିଲିଫ୍ ସାମଗ୍ରୀ ପଠାଯାଇଛି।

ସେ ଆହୁରି କହିଛନ୍ତି ଯେ ଭାରତ ଆଫଗାନିସ୍ତାନର ପରିସ୍ଥିତି ଉପରେ ନଜର ରଖିଛି ଏବଂ ଆଗାମୀ ଦିନରେ ଅଧିକ ରିଲିଫ୍ ସାମଗ୍ରୀ ପଠାଯିବ।

ସୂଚନାଥାଉକି, ପୂର୍ବ ଆଫଗାନିସ୍ତାନରେ ହୋଇଥିବା ଶକ୍ତିଶାଳୀ ଭୂମିକମ୍ପରେ ମୃତ୍ୟୁ ସଂଖ୍ୟା ୧,୧୨୪ ରେ ପହଞ୍ଚିଛି। ଏହି ପ୍ରାକୃତିକ ବିପର୍ଯ୍ୟୟରେ ୩,୨୫୧ ଜଣ ଆହତ ହୋଇଛନ୍ତି।

Spoke with Afghan Foreign Minister Mawlawi Amir Khan Muttaqi today. Expressed our condolences at the loss of lives in the earthquake.

Conveyed that India has delivered 1000 family tents today in Kabul. 15 tonnes of food material is also being immediately moved by Indian Mission… pic.twitter.com/whO2iTBjS8

— Dr. S. Jaishankar (@DrSJaishankar) September 1, 2025

ଅଗଷ୍ଟ ୩୧ ତାରିଖରେ ସ୍ଥାନୀୟ ସମୟ ରାତି ୧୧.୪୭ ମିନିଟରେ ପୂର୍ବ ଆଫଗାନିସ୍ତାନରେ ଭୂମିକମ୍ପ ହୋଇଥିଲା, ଏହାର କେନ୍ଦ୍ରସ୍ଥଳ ନାଙ୍ଗରହାର ପ୍ରଦେଶର ରାଜଧାନୀ ଜଲାଲାବାଦରୁ ୨୭ କିଲୋମିଟର ଉତ୍ତର-ପୂର୍ବରେ ଆଠ କିଲୋମିଟର ଗଭୀରତାରେ ଥିଲା।