ମିଲଖା ସିଂଙ୍କୁ ନେଇ ରାହୁଲଙ୍କ ଟୁଇଟ ଏବେ ଚର୍ଚ୍ଚାରେ

ନୂଆଦିଲ୍ଲୀ: ଭାରତର ଶ୍ରେଷ୍ଠ ଆଥଲେଟ ତଥା ଅଲିମ୍ପିଆନ ମିଲଖା ସିଂ ଆରପାରିରେ । ଏଥିନେଇ ବିଭିନ୍ନ ମହଲରୁ ତାଙ୍କ ପ୍ରତି ଶୋକ ବ୍ୟକ୍ତ କରାଯାଉଛି । ତେବେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ଏକ ଟୁଇଟ ଏବେ ଚର୍ଚ୍ଚାର କାରଣ ସାଜିଛି । ଏହି ଟୁଇଟ ନେଇ ତାଙ୍କୁ ଟ୍ରୋଲର ଶୀକାର ହେବାକୁ ପଡିଛି । ସେ ଏଥିରେ ମିଲଖାଙ୍କ ଯୋଗଦାନକୁ ପ୍ରଶଂସା କରିଥିବା ବେଳେ ଶେଷ ଧାଡିରେ କିନ୍ତୁ ଇଣ୍ଡିଆ ରିମେମ୍ବରସ ହର ଲେଖିଥିଲେ । ଯାହାକୁ ନେଇ ସୋସିଆଲ ସାଇଟରେ ତର୍କ ବିତର୍କ ଆରମ୍ଭ ହୋଇଛି । ଦେଶକୁ ନେଇ ପ୍ରାୟତଃ କୌଣସି ଜେଣ୍ଡର ବ୍ୟବହାର କରାଯାଇ ନାହିଁ । ନାଗରିକଙ୍କ କ୍ଷେତ୍ରରେ ଏହାକୁ ବ୍ୟବହାର କରାଯାଇଥାଏ । କେତେକ ଦେଶକୁ ମଦରଲ୍ୟାଣ୍ଡ ଓ ଆଉ କେତେକକୁ ଫାଦରଲ୍ୟାଣ୍ଡ ବୋଲି ମଧ୍ୟ କୁହାଯାଇଥାଏ । ତେବେ ରାହୁଲ କେଉଁ କ୍ଷେତ୍ରରେ ଏହି ଶବ୍ଦ ବ୍ୟବହାର କଲେ ତାହା ଜଣାପଡି ନାହିଁ । ଜଣେ ଟ୍ରୋଲରଲେଖିଛନ୍ତି, ରାହୁଲ ଲିଙ୍ଗ ପରିବର୍ତନ କରି ଦେଲେ ସେହିପରି ଆଉ ଜଣେ ଲେଖିଛନ୍ତି ବୋଧହୁଏ ସେ ଶଶି ଥରୁରଙ୍କଠାରୁ ଇଂରାଜୀ ଶିଖିଛନ୍ତି ।