ନୂଆଦିଲ୍ଲୀ: ନିଜ୍ଜାର ହତ୍ୟାକାଣ୍ଡକୁ ନେଇ ଭାରତ ଏବଂ କାନାଡା ମଧ୍ୟରେ ତିକ୍ତତା ବୃଦ୍ଧି ପାଉଛି ।ଏହି ହତ୍ୟାକାଣ୍ଡରେ ଭାରତ ଷଡଯନ୍ତ୍ର କରିଥିବା କାନାଡା ପୁଣି ଥରେ ଅଭିଯୋଗ କରିଛି। କାନାଡାର ଏକ ଖବରକାଗଜ ରିପୋର୍ଟରେ ଲେଖିଛି ଯେ ହାର୍ଦ୍ଦିକ ସିଂ ନିଜ୍ଜାରଙ୍କୁ ହତ୍ୟା ଷଡଯନ୍ତ୍ରରେ ଭାରତର ଶୀର୍ଷ ନେତୃତ୍ୱ ଜାଣିଛନ୍ତି। ଏହି ହତ୍ୟାକାଣ୍ଡ ବିଷୟରେ କାନାଡାର ସୁରକ୍ଷା ଏଜେନ୍ସିମାନେ ଭାରତକୁ ସୂଚନା ଦେଇଥିଲେ।
ଏଥି ସହିତ, ବର୍ତ୍ତମାନ କାନାଡା ଖବରକାଗଜର ଏହି ରିପୋର୍ଟକୁ ଭାରତ ଅସ୍ୱୀକାର କରିଛି। ଦୀର୍ଘ ଦିନ ଧରି ଭାରତ ଏବଂ କାନାଡା ମଧ୍ୟରେ ସମ୍ପର୍କ ତିକ୍ତ ହୋଇ ରହିଛି। ଭାରତ ବିରୋଧରେ ଲଗାତାର ମିଥ୍ୟା ଅଭିଯୋଗ କରିଆସୁଥିବା କାନାଡା ସରକାର ଏବଂ ସେଠାରେ ଥିବା ଗଣମାଧ୍ୟମ ଏ ପର୍ଯ୍ୟନ୍ତ ଅଟକି ନାହାଁନ୍ତି। ଜଷ୍ଟିନ ଟ୍ରୁଡୋଙ୍କ କାନାଡିୟ ଗଣମାଧ୍ୟମ ଭାରତ ସରକାରଙ୍କ ବିରୋଧରେ ଏକ ନୂଆ ଷଡଯନ୍ତ୍ର ରଚିଛି। ତେବେ ଏହି ରିପୋର୍ଟରେ ଅଭିଯୋଗ ହୋଇଛି ଯେ ଖାଲିସ୍ତାନୀ ଆତଙ୍କବାଦୀ ହରଦୀପ ସିଂ ନିଜ୍ଜାରଙ୍କୁ ହତ୍ୟା ଷଡଯନ୍ତ୍ର ବିଷୟରେ ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜାଣିଥିଲେ।
ଅନ୍ୟପଟେ ଏଭଳି ଗଣମାଧ୍ୟମର ରିପୋର୍ଟକୁ ହାସ୍ୟାସ୍ପଦ ବୋଲି ଭାରତୀୟ ବୈଦେଶିକ ମନ୍ତ୍ରଣାଳୟ ଏକ ବିବୃତ୍ତି ଜାରି କରିଛି। ବୈଦେଶିକ ମନ୍ତ୍ରଣାଳୟର ମୁଖପାତ୍ର ରଶଧୀର ଜୟସ୍ବାଲ ଏହା ଉପରେ କହିଛନ୍ତି, ଆମେ ସାଧାରଣତଃ ମିଡିଆ ରିପୋର୍ଟ ଉପରେ କୌଣସି ମନ୍ତବ୍ୟ ଦେଉନାହୁଁ। କାନାଡାର ସରକାରୀ ସୂତ୍ରରୁ ଖବରକାଗଜକୁ ଦିଆଯାଇଥିବା ଏପରି ହାସ୍ୟାସ୍ପଦ ବକ୍ତବ୍ୟକୁ ଅବମାନନା ସହିତ ଖାରଜ କରାଯିବା ଉଚିତ ବୋଲି ସେ କହିଛନ୍ତି। ସେ କହିଛନ୍ତି, ଏପରି ଅପମାନଜନକ ଅଭିଯାନ ଆମର ପୂର୍ବରୁ ଥିବା ତିକ୍ତ ସମ୍ପର୍କକୁ ଅଧିକ କ୍ଷତି ପହଞ୍ଚାଉଛି।
Comments are closed.