ଅହମ୍ମଦାବାଦ: ୱେଷ୍ଟଇଣ୍ଡିଜ ବିପକ୍ଷ ଦ୍ୱିତୀୟ ଦିନିକିଆ ଜିତିବା ସହ ସିରିଜକୁ ଆଗୁଆ କବଜା କରିଛି ଭାରତ । ଗତକାଲି ଅହମ୍ମଦାବାଦରେ ଖେଳାଯାଇଥିବା ଦ୍ୱିତୀୟ ଦିନିକିଆରେ ୪୪ ରନରେ ବିଜୟୀ ହୋଇଛି ଟିମ୍ ଇଣ୍ଡିଆ । ୨୩୮ ରନ୍ ବିଜୟ ଲକ୍ଷ୍ୟର ପିଛା କରି କାରାବେଆନ୍ ଟିମ୍ ୧୯୩ ରନରେ ଅଲଆଉଟ୍ ହୋଇଥିଲା । ଏଥିସହ ସିରିଜକୁ ୨-୦ରେ ଆଗୁଆ କବଜା କରିଛି ।
ଅହମ୍ମଦାବାଦ ଦ୍ୱିତୀୟ ଦିନିକିଆରେ ପ୍ରଥମେ ବ୍ୟାଟିଂ କରିଥିଲା ଟିମ୍ ଇଣ୍ଡିଆ । ନିର୍ଦ୍ଧାରିତ ଓଭରରେ ୯ ୱିକେଟ ହରାଇ ୨୩୭ ରନ୍ କରିଥିଲା । ଦଳ ପକ୍ଷରୁ ସୂର୍ୟ୍ୟକୁମାର ଯାଦବ ସର୍ବାଧିକ ୬୪ ଓ ଲୋକେଶ ରାହୁଲ ୪୯ ରନ୍ କରିଥିଲେ ।
୨୩୮ ରନ୍ ବିଜୟ ଲକ୍ଷ୍ୟ ନେଇ ମୈଦାନକୁ ଓହ୍ଲାଇଥିବା ୱେଷ୍ଟଇଣ୍ଡିଜକୁ ପ୍ରଥମରୁ ଝଟକା ଦେଇଥିଲେ ଟିମ୍ ଇଣ୍ଡିଆ ବୋଲର । ମାତ୍ର ୭୬ ରନରେ ଭ୍ରମଣକାରୀ ଦଳର ଅଧା ବ୍ୟାଟ୍ସମ୍ୟାନ୍ ପାଭିଲନ୍ ଫେରିଥିଲେ । ପ୍ରସିଦ୍ଧି କ୍ରିଷ୍ଣା ୯ ଓଭର ବୋଲିଂ କରି ମାତ୍ର ୧୨ ରନ୍ ଦେଇ ୪ ୱିକେଟ ନେଇଥିଲେ । ସାର୍ଦ୍ଦୁଲ ଠାକୁର ଦୁଇଟି ଓ ଅନ୍ୟମାନେ ଗୋଟିଏ ଲେଖାଏ ୱିକେଟ ଖସାଇଥିଲେ ।
Comments are closed.