ନୂଆଦିଲ୍ଲୀ: ଇଣ୍ଡିଆ ଟୁଡେ ଗ୍ରୁପ୍ ଗୁରୁବାର ଦିନ ବରିଷ୍ଠ ସାମ୍ବାଦିକ ତଥା ଆଙ୍କର୍ ରାଜଦୀପ ସର୍ଦେଶାଇଙ୍କୁ ଦୁଇ ସପ୍ତାହ ପାଇଁ ଅଫ୍ ଏୟାରରେ ନେଇଛନ୍ତି। ତେବେ ସାମ୍ବାଦିକଙ୍କ ଏକ ଭୁଲ ଟୁଇଟ୍ ଯୋଗୁ ତାଙ୍କ ଉପରେ ଏଭଳି ପଦକ୍ଷେପ ଗ୍ରହଣ କରାଯାଇଥିବା ସୂଚନା ମିଳିଛି। ଭୁଲ୍ ଟୁଇଟ୍ ଉପରେ ଶୃଙ୍ଖଳାଗତ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ଲାଇଭ୍ ଟେଲିଭିଜନରେ ଘୋଷଣା କରିଥିଲେ ଯେ ଜାନୁଆରୀ ୨୬ ରେ ଦିଲ୍ଲୀରେ ଟ୍ରାକ୍ଟର ରାଲିରେ ପୋଲିସ୍ର ଗୁଳି ଚାଳନାରେ ସେହି ଚାଷୀଙ୍କ ମୃତ୍ୟୁ ହୋଇଥିଲା।
ଇଣ୍ଡିଆ ଟୁଡେ ଗ୍ରୁପ୍ର ପରାମର୍ଶଦାତା ସମ୍ପାଦକ ସର୍ଦେଶାଇ ତାଙ୍କ ଟ୍ୱିଟ୍ ଡିଲିଟ କରି ଏୟାର ଟ୍ରାକ୍ଟର ଦୁର୍ଘଟଣାରେ ଚାଷୀଙ୍କ ମୃତ୍ୟୁ ହୋଇଥିବା ସୂଚନା ଦେଇଥିଲେ।
ଟ୍ରାକ୍ଟର ଓଲଟି ପଡିବାର ଏକ ଭିଡିଓ ସେ ଟ୍ୱିଟ୍ କରି ପୋଷ୍ଟ କରିଛନ୍ତି ଯେ ବିକ୍ଷୋଭକାରୀମାନେ ଦାବି କରିଛନ୍ତି ଯେ ନବନୀତ୍ ସିଂଙ୍କୁ ଦିଲ୍ଲୀ ପୋଲିସ୍ ଗୁଳି ଚଳାଇଥିଲା, କିନ୍ତୁ ଭିଡିଓରେ ସ୍ପଷ୍ଟ ଭାବେ ଦର୍ଶାଯାଇଛି ଯେ ଟ୍ରାକ୍ଟରଟି ଓଲଟି ପଡିଛି ଏବଂ ଏହାକୁ ନେଇ ଏବେ ଚର୍ଚ୍ଚା ଜୋର୍ ଧରିଛି।
ସର୍ଦେଶାଇଙ୍କ ବିରୋଧରେ କାର୍ଯ୍ୟାନୁଷ୍ଠାନ ବିଷୟରେ ପଚରାଯିବାରୁ ଇଣ୍ଡିଆ ଟୁଡେ ଗ୍ରୁପ୍ ଏକ ବିବୃତ୍ତିରେ କହିଛି ଯେ ଆମର ଆଚରଣ ବିଧି ଉଲ୍ଲଂଘନ ପାଇଁ ଶୃଙ୍ଖଳାଗତ କାର୍ଯ୍ୟ ଏକ ଗୋପନୀୟ ବିଷୟ ଏବଂ ଆମେ ଏହା ଉପରେ ମନ୍ତବ୍ୟ ଦେବାକୁ ଇଚ୍ଛା ପ୍ରକାଶ କରୁନାହୁଁ।