ରାଜକୋଟ: ଭାରତୀୟ ମହିଳା କ୍ରିକେଟ ଟିମ ଏଠାରେ ଅନୁଷ୍ଠିତ ତୃତୀୟ ତଥା ଅନ୍ତିମ ଦିନିକିଆରେ ଆୟର୍ଲାଣ୍ଡକୁ ୩୦୪ ରନର ବୃହତ ବ୍ୟବଧାନରେ ପରାସ୍ତ କରିଛି । ଏଥିସହ ଟିମ ଇଣ୍ଡିଆ ୩-୦ରେ କ୍ଲିନ ସୁଇପ କରିଛି । ପ୍ରଥମେ ବ୍ୟାଟିଂ କରି ଭାରତ ୫୦ ଓଭରରେ ୫ ୱିକେଟ ବିନିିମୟରେ ୪୩୫ ରନର ବିଶାଳ ସ୍କୋର କରିଥିଲା । ପ୍ରତୀକ ରାୱଲ ୧୫୪ ଓ ସ୍ମୃତି ମାନ୍ଧନା ୧୩୫ ରନ କରିଥିଲେ । ଉଭୟ ପ୍ରଥମ ୱିକେଟରେ ୨୩୩ ରନ ଯୋଗ କରିଥିଲେ । ଜବାବରେ ଆୟର୍ଲାଣ୍ଡ ୩୧.୪ ଓଭରରେ ୧୩୧ ରନ କରି ଅଲଆଉଟ ହୋଇ ଯାଇଥିଲା । ଭାରତ ପକ୍ଷରୁ ଦୀପ୍ତି ଶର୍ମା ସର୍ବାଧିକ ୩ଟି ୱିକେଟ ନେଇଥିଲେ ।
ଭାରତର ୪୩୫ ରନ ମହିଳା କ୍ରିକେଟରେ ୪ର୍ଥ ସର୍ବାଧିକ ସ୍କୋର । ୨୦୧୮ରେ ଆୟର୍ଲାଣ୍ଡ ବିପକ୍ଷରେ ନ୍ୟୁଜିଲାଣ୍ଡ ସର୍ବାଧିକ ୪୯୧ ରନ କରିଥିଲା । ସ୍ମୃତି ଏହି ମ୍ୟାଚରେ ୭୦ ବଲରେ ଶତକ ହାaସଲ କରିଥିଲେ । ଭାରତ ପକ୍ଷରୁ ଦିନିକିଆ କ୍ରିକେଟରେ ଏହା ଦ୍ରୁତ ଦିନିକିଆ ଶତକ । ସ୍ମୃତି ୮୦ ବଲରେ ୧୩୫ ରନର ବିସ୍ଫୋରକ ଇନିଂସ ଖେଳିଥିଲେ । ପ୍ରତୀକ ପ୍ଲେୟାର ଅଫ ଦି ମ୍ୟାଚ ଓ ପ୍ଲେୟାର ଅଫ ଦି ସିରିଜ ବିବେଚିତ ହୋଇଥିଲେ ।