ନୂଆଦିଲ୍ଲୀ: ମହାମାରୀର ଦେଢ ବର୍ଷରୁ ଅଧିକ ସମୟ ମଧ୍ୟରେ ଭାରତ କୋଭିଡ ଭୁଲ ତଥ୍ୟର ସବୁଠାରୁ ବଡ ଉତ୍ସ ଭାବରେ ଉଭା ହୋଇଛି। କୋଭିଡ୍-୧୯ ଟିକା ମାନବ ଶରୀରରେ ଚୁମ୍ବକୀୟ ଗୁଣ ସୃଷ୍ଟି କରେ ନାହିଁ। ନାକରେ ଲେମ୍ବୁ ରସ ପକାଇଲେ କରୋନା ଭୁତାଣୁ ମରେ ନାହିଁ। କିମ୍ବା ପକେଟରେ ଲବଙ୍ଗ କିମ୍ବା ଗୁଜୁରାତି ରଖିଲେ କରୋନାରୁ ବର୍ତ୍ତିବାର କୌଣସି ସମ୍ଭାବନା ନାହିଁ। ଏହିଭଳି ଅନେକ କୋଭିଡ୍ ସମ୍ବନ୍ଧୀୟ ଭୁଲ୍ ତଥ୍ୟ ଦେଶରୁ ଆସୁଛି ବୋଲି ନୂତନ ଅଧ୍ୟୟନରୁ ଜଣାପଡିଛି।
କାନାଡାର ଆଲବର୍ଟା ବିଶ୍ୱବିଦ୍ୟାଳୟର ଜଣେ ଅନୁସନ୍ଧାନକାରୀଙ୍କ ଦ୍ବାରା ୧୩୮ ଟି ଦେଶରେ ୯୬୫୭ ଖଣ୍ଡ ଭୁଲ ତଥ୍ୟ ଉପରେ ଅଧ୍ୟୟନ କରାଯାଇଥିଲା। ଏହି ପରୀକ୍ଷା ଜାନୁଆରୀ ୧, ୨୦୨୦ ରୁ ମାର୍ଚ୍ଚ ୧, ୨୦୨୧ ମଧ୍ୟରେ କରାଯାଇଥିଲା।
ଅଧ୍ୟୟନରୁ ଜଣାପଡିଛି ଯେ ସୋସିଆଲ ମିଡିଆ ଭୁଲ ତଥ୍ୟର ସବୁଠାରୁ ବଡ ଉତ୍ପାଦକ ଅଟେ। ସମସ୍ତ କୋଭିଡ୍ ନକଲି ଖବରର ଇଣ୍ଟରନେଟ୍ ଆଧାରିତ ଉତ୍ସଗୁଡ଼ିକ ୯୧% ଅଟେ। ଅନ୍ୟ ଦେଶ ମଧ୍ୟରେ ଭାରତ ହେଉଛି ସବୁଠାରୁ ବଡ ଉତ୍ସ (୧୮%), ତା’ପରେ ବ୍ରାଜିଲ (୯%) ଏବଂ ଆମେରିକା (୮.୬%) ରହିଛି। ଭୁଲ ତଥ୍ୟର ପରିମାଣ ମଧ୍ୟ ଭାରତରେ ସର୍ବାଧିକ ୧୬%।