ନୂଆଦିଲ୍ଲୀ: ଭାରତୀୟ କ୍ରିକେଟ ଟିମ୍ ଆସନ୍ତା ବର୍ଷ ଅଗଷ୍ଟରେ ଇଂଲଣ୍ଡ ଗସ୍ତରେ ଯିବ । ଏହି ଗସ୍ତରେ ଉଭୟ ଦେଶ ମଧ୍ୟରେ ୫ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଖେଳାଯିବ । ଇଂଲଣ୍ଡ ଏବଂ ୱେଲ୍ସ କ୍ରିକେଟ ବୋର୍ଡ ବୁଧବାର ଏହା ସ୍ପଷ୍ଟ କରିଛି । ୪ଅଗଷ୍ଟରୁ ଏହି ସିରିଜ ଆରମ୍ଭ ହେବ । ପ୍ରଥମ ମ୍ୟାଚ ଟ୍ରେଂଟବ୍ରିଜରେ ଖେଳାଯିବ ।
ସେହିପରି ୧୨ ଅଗଷ୍ଟରୁ ଲର୍ଡସରେ ଦ୍ୱିତୀୟ ଟେଷ୍ଟ, ହେଡିଙ୍ଗଲେରେ ତୃତୀୟ ଟେଷ୍ଟ ୨୫ ଅଗଷ୍ଟରୁ ଖେଳାଯିବ । ସେହିପରି ଓଭାଲରେ ୪ର୍ଥ ଟେଷ୍ଟ ସେପ୍ଟମ୍ବର ୨ରୁ ଓ ୫ମ ଟେଷ୍ଟ ୧୦ସେପ୍ଟମ୍ବରରୁ ଓଲ୍ଡ ଟ୍ରାଫଡରେ ଖେଳାଯିବ । ଏହା ପୂର୍ବରୁ ଇଂଲଣ୍ଡ ଟିମ୍ ଶ୍ରୀଲଙ୍କା ଓ ପାକିସ୍ତାନ ବିପକ୍ଷରେ ସୀମିତ ଓଭର ବିଶିଷ୍ଟ ମ୍ୟାଚ ଖେଳିବ । କୋଭିଡ ୧୯ ଯୋଗୁ ଅନିଶ୍ଚିତତା ଲାଗି ରହିଛି । ତଥାପି ଉପରୋକ୍ତ ସିରିଜଗୁଡିକ କରିବା ପାଇଁ ଯଥାସମ୍ଭବ ଉଦ୍ୟମ କରାଯିବ ବୋଲି ଇସିବି ସିଇଓ ଟମ ହ୍ୟାରିସନ କହିଛନ୍ତି ।
Comments are closed.