ନୂଆଦିଲ୍ଲୀ: ଭାରତୀୟ କ୍ରିକେଟର ମହାନ୍ ବୋଲରମାନଙ୍କ ମଧ୍ୟରୁ ମହମ୍ମଦ ଶାମି ଅନ୍ୟତମ । ଅନ୍ତର୍ଜାତୀୟ କ୍ରିକେଟରେ ୪୦୦ ରୁ ଅଧିକ ୱିକେଟ୍ ନେଇଛନ୍ତି ଏବଂ ଆହତ ପରେ ଫେରିବା କାରଣରୁ ସେ ବର୍ତ୍ତମାନ ଚର୍ଚ୍ଚାରେ ରହିଛନ୍ତି । ବର୍ତ୍ତମାନ ସେ ଏବେ ତାଙ୍କ ବୟସକୁ ନେଇ ଠକେଇ କରିଥିବା ଗୁଜବକୁ ନେଇ ଚର୍ଚ୍ଚାର କେନ୍ଦ୍ର ପାଲଟିଛନ୍ତି । ୨୦୨୩ ଦିନିକିଆ ବିଶ୍ୱକପ୍ରେ ସର୍ବାଧିକ ୱିକେଟ୍ ମଧ୍ୟ ନେଇଛନ୍ତି ଶାମି । କିନ୍ତୁ ତାଙ୍କ ବୟସରେ ଠକେଇ ଖବର ତାଙ୍କ ପାଇଁ ବଦନାମ ର କାରଣ ପାଲଟିଛି । ଏହି କାରଣରୁ ଶାମିଙ୍କୁ ମଧ୍ୟ ଟ୍ରୋଲ କରାଯାଉଛି ।
ଗତ କିଛି ବର୍ଷ ମଧ୍ୟରେ ମହମ୍ମଦ ଶାମି ବହୁତ କଷ୍ଟ ସହିଛନ୍ତି । ତାଙ୍କ ପତ୍ନୀ ହସିନ ଜାହାଁ ମଧ୍ୟ ତାଙ୍କ ବିରୋଧରେ ଘରୋଇ ନିର୍ଯ୍ୟାତନା ଏବଂ ମ୍ୟାଚ୍ ଫିକ୍ସିଂ ଭଳି ଗୁରୁତର ଅଭିଯୋଗ ଆଣିଥିଲେ । ହେଲେ ଖୁସି ଖବର ହେଉଛି ବିସିସିଆଇ ବହୁ ପୂର୍ବରୁ ଫିକ୍ସିଂ ମାମଲାରେ ଶାମିଙ୍କୁ କ୍ଲିନ୍ ଚିଟ୍ ଦେଇଛି । ବର୍ତ୍ତମାନ ଡ୍ରାଇଭିଂ ଲାଇସେନ୍ସର ଏକ ଫଟୋ ଭାଇରାଲ ହେଉଛି, ଯେଉଁଥିରେ ଶାମିଙ୍କ ବୟସ ୪୨ ବର୍ଷ ବୋଲି ଦର୍ଶାଯାଇଛି ।
ଖବର ମୁତାବକ, ଜଣେ ବ୍ୟକ୍ତି ସୋସିଆଲ ମିଡିଆରେ ମହମ୍ମଦ ଶାମିଙ୍କ ଡ୍ରାଇଭିଂ ଲାଇସେନ୍ସ ସେୟାର କରିଛନ୍ତି । ଏହାକୁ ଦେଖିଲେ ଏହା ସ୍ପଷ୍ଟ ହେଉଛି ଯେ, ଶାମିଙ୍କ ବୟସ ୪୨ ବର୍ଷ ହୋଇଥିବାବେଳେ ସେ ନିଜକୁ ୩୪ ବର୍ଷ ବୋଲି କହୁଛନ୍ତି । ୮ ବର୍ଷର ବୟସ ପାର୍ଥକ୍ୟ ପାଇବା ପରେ ଲୋକମାନେ ଶାମିଙ୍କୁ ଟ୍ରୋଲ କରିବାରେ ବ୍ୟସ୍ତ ଅଛନ୍ତି । ତେବେ ଏଠି ଆହୁରି ଏକ ଗୁରୁତ୍ବପୀର୍ଣ୍ଣ ବିଷୟ ଯେ, ଏକ୍ସ ରୁ ଉକ୍ତ ପୋଷ୍ଟକୁ ଟିଲିଟ୍ କରିଦିଆଯାଇଛି । କିନ୍ତୁ ଅନ୍ୟ ଲୋକମାନେ ଏହାର ଫୋଟୋ ନେଇ ଏହାକୁ ସୋସିଆଲ ମିଡିଆରେ ପୁନଃ ସେୟାର କରିଛନ୍ତି । ଏପର୍ଯ୍ୟନ୍ତ, ଏହି ଡ୍ରାଇଭିଂ ଲାଇସେନ୍ସ ଫଟୋ ଅସଲି କିମ୍ବା ଏଡିଟ୍ ହୋଇଛି ତାହା ଜଣାପଡିନାହିଁ । ଏହି ଫଟୋ କେବଳ ଶାମି ଙ୍କ ଉପରେ ନୁହେଁ ବରଂ ବିସିସିଆଇ ଉପରେ ମଧ୍ୟ ପ୍ରଶ୍ନ ଉଠାଉଛି ।
Just found Mohammad Shami license online and it shows that he is 42 years old.@BCCI kindly investigate on this. pic.twitter.com/Cy06RjAcOG
— Mohan Krishna 🇮🇳 (@ViratKohli18630) November 15, 2024
ଭାରତରେ ନିଜର ବୟସ ଲୁଚାଇବା ଏବଂ ଠକେଇ କରିବା ଏକ ଗୁରୁତର ଅପରାଧ ବୋଲି ବିବେଚନା କରାଯାଏ । ଯଦି ଜଣେ କ୍ରିକେଟର ତାଙ୍କ ବୟସ ଲୁଚାନ୍ତି, ତେବେ ତାଙ୍କୁ ଜୋରିମାନା ଏବଂ ବେଳେବେଳେ ଜେଲ ଯିବାର ମଧ୍ୟ ସାମ୍ନା କରିବାକୁ ପଡିପାରେ । ଭାରତୀୟ କ୍ରିକେଟ୍ ବିଷୟରେ କହିବାକୁ ଗଲେ, ବୟସ ଠକେଇ ସାଧାରଣତଃ ଅଣ୍ଡର -19 ଦିନରେ ହୋଇଥାଏ ଯେତେବେଳେ ଖେଳାଳିମାନେ ଦଳରେ ମନୋନୀତ ହେବା ପାଇଁ ସାଧାରଣତଃ ସେମାନଙ୍କ ବୟସକୁ ଏକ କିମ୍ବା ଦୁଇ ବର୍ଷ କମ୍ ଘୋଷଣା କରନ୍ତି ।