Iranian attack on Kuwait Airport:ଇରାନ ଆକ୍ରମଣରେ ଜଣେ ଭାରତୀୟ ନାଗରିକଙ୍କ ମୃତ୍ୟୁ; ଭାରତ ଦୃଢ଼ ନିନ୍ଦା କରିବା ସହ କଲା ବଡ଼ ଅପିଲ୍
ନୂଆଦିଲ୍ଲୀ:ମଧ୍ୟପ୍ରାଚ୍ୟରେ ଉତ୍ତେଜନା ପୁଣି ଥରେ ଏକ ଭୟଙ୍କର ସ୍ଥିତିରେ ପହଞ୍ଚିଛି। କୁୱେତ ଆନ୍ତର୍ଜାତୀୟ ବିମାନବନ୍ଦରରେ ଇରାନ ଆକ୍ରମଣରେ ଜଣେ ଭାରତୀୟ ନାଗରିକଙ୍କ ମୃତ୍ୟୁ ହୋଇଛି । କୁୱେତ ଅଧିକାରୀମାନେ ଏହି ସୂଚନା ଦେଇଛନ୍ତି। କୁୱେତରେ ଥିବା ଭାରତୀୟ ଦୂତାବାସ ମଧ୍ୟ ଏହାକୁ ନିଶ୍ଚିତ କରିଛି । ଭାରତ ସରକାର ଏହି ଘଟଣା ପାଇଁ ଗଭୀର ଦୁଃଖ ପ୍ରକାଶ କରିଛନ୍ତି ଏବଂ ଆକ୍ରମଣକୁ ଦୃଢ଼ ନିନ୍ଦା କରିଛନ୍ତି ଏବଂ ନାଗରିକ ,ସାଧାରଣ ଭିତ୍ତିଭୂମିକୁ ଟାର୍ଗେଟ କରିବା ଘଟଣାଗୁଡ଼ିକୁ ତୁରନ୍ତ ବନ୍ଦ କରିବାକୁ ଅପିଲ କରିଛନ୍ତି।
ଇରାନ ଆକ୍ରମଣରେ ବିମାନବନ୍ଦରର ଟର୍ମିନାଲ -୧ କ୍ଷତିଗ୍ରସ୍ତ ହୋଇଛି। ଏହି ଆକ୍ରମଣ ପରେ ବିମାନବନ୍ଦରରେ ଆତଙ୍କ ଖେଳିଯାଇଥିଲା। ଏବଂ ବିମାନ ସେବାକୁ ତୁରନ୍ତ ବନ୍ଦ କରିଦିଆ ଯାଇଥିଲା । କୁଏତର ସ୍ୱାସ୍ଥ୍ୟ ମନ୍ତ୍ରଣାଳୟ ଅନୁଯାୟୀ, ଆକ୍ରମଣରେ ଅତି କମରେ ୬୩ ଜଣ ଆହତ ହୋଇଛନ୍ତି। ଆହତମାନଙ୍କୁ ବିଭିନ୍ନ ହସ୍ପିଟାଲରେ ଭର୍ତ୍ତି କରାଯାଇଛି।
Embassy of India in Kuwait expresses its deepest condolences at the tragic demise of an Indian national due to an attack on the airport in Kuwait today. The Embassy is in touch with the bereaved family and is closely coordinating with the Kuwaiti authorities to render all…
— India in Kuwait (@indembkwt) June 3, 2026
X ରେ ଏକ ପୋଷ୍ଟରେ, କୁୱେତରେ ଥିବା ଭାରତୀୟ ଦୂତାବାସ ଆଜି କୁୱେତ ବିମାନବନ୍ଦରରେ ହୋଇଥିବା ଆକ୍ରମଣରେ ଜଣେ ଭାରତୀୟ ନାଗରିକଙ୍କ ଦୁଃଖଦ ମୃତ୍ୟୁ ପାଇଁ ଗଭୀର ଶୋକ ପ୍ରକାଶ କରିଛି। ଏହି ଦୁଃଖଦ ମୃତ୍ୟୁ ପାଇଁ ଗଭୀର ଶୋକ ପ୍ରକାଶ କରିଛି।
ଦୂତାବାସ ଶୋକସନ୍ତପ୍ତ ପରିବାର ସହିତ ଯୋଗାଯୋଗରେ ଅଛି ଏବଂ ଶୋକସନ୍ତପ୍ତ ପରିବାର ଏବଂ ଘଟଣାରେ ଆହତମାନଙ୍କୁ ସମସ୍ତ ପ୍ରକାରର ସମର୍ଥନ ଏବଂ ସହାୟତା ପ୍ରଦାନ କରିବା ପାଇଁ କୁୱେତ କର୍ତ୍ତୃପକ୍ଷଙ୍କ ସହିତ ଘନିଷ୍ଠ ସମନ୍ୱୟ ରଖିଛି ।
କୁୱେତର ସ୍ୱାସ୍ଥ୍ୟ ମନ୍ତ୍ରଣାଳୟର ସରକାରୀ ମୁଖପାତ୍ର ଡାକ୍ତର ଅବଦୁଲ୍ଲା ଅଲ-ସନଦ ବୁଧବାର କହିଛନ୍ତି ଯେ କୁୱେତ ଅନ୍ତର୍ଜାତୀୟ ବିମାନବନ୍ଦରରେ ଘଟିଥିବା ସମ୍ପ୍ରତି ଘଟଣା ପରେ ଏପର୍ଯ୍ୟନ୍ତ ୬୩ ଜଣ ଆହତଙ୍କୁ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି।
ଏହି ଆକ୍ରମଣ ଉପସାଗରୀୟ ଦେଶଗୁଡ଼ିକରେ ଚିନ୍ତା ସୃଷ୍ଟି କରିଛି। ୟୁଏଇ ରାଷ୍ଟ୍ରପତି ପରାମର୍ଶଦାତା ଅନୱର ଗାର୍ଗାଶ କହିଛନ୍ତି ଯେ ଉପସାଗରୀୟ ଦେଶଗୁଡ଼ିକୁ ଇରାନର ନିରନ୍ତର ଆକ୍ରମଣ ବିରୁଦ୍ଧରେ ଏକଜୁଟ ଏବଂ ଦୃଢ଼ ମନୋଭାବ ଗ୍ରହଣ କରିବାକୁ ପଡିବ। କୁଏତର ବୈଦେଶିକ ମନ୍ତ୍ରଣାଳୟ ମଧ୍ୟ ଏହି ଆକ୍ରମଣକୁ ନିନ୍ଦା କରି ଏହାକୁ ସାଧାରଣ ନାଗରିକ ଏବଂ ଗୁରୁତ୍ୱପୂର୍ଣ୍ଣ ଭିତ୍ତିଭୂମି ଉପରେ ଆକ୍ରମଣ ବୋଲି କହିଛି।