ଭାରତୀୟ ଛାତ୍ରଛାତ୍ରୀଙ୍କୁ ପିଟୁଛନ୍ତି ୟୁକ୍ରେନ ସେନା, ଉଦ୍ଧାର ପାଇଁ ଅପିଲ୍

କିଭ୍(ୟୁକ୍ରେନ): ୟୁକ୍ରେନରେ ଦିନକୁ ଦିନ ସ୍ଥିତି ବିଗିଡିବାରେ ଲାଗିଛି । ସେଠାରେ ଫସିଛନ୍ତି ବହୁ ଭାରତୀୟ । ଭୟ ଭିତରେ ଦିନ କାଟୁଥିବା ବେଳେ ଯୁଦ୍ଧ ବିଭୀଷିକା ଭିତରେ ଘରକୁ ଫେରିବାକୁ ବ୍ୟାକୁଳ ହେଉଛନ୍ତି । ଏଭଳି ସ୍ଥିତିରେ ସେମାନଙ୍କୁ ୟୁକ୍ରେନ୍ ସୁରକ୍ଷାବାହିନୀ ପକ୍ଷରୁ ଅକଥନୀୟ ନିର୍ୟାତନା ଦିଆଯାଉଥିବା ଚିତ୍ର ଏବେ ସାମନାକୁ ଆସିଛି । ୟୁକ୍ରେନ୍ ସେନା ମାଡ଼ ମାରୁଥିବା ଓ ଦୁର୍ବ୍ୟବହାର କରୁଥିବା ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହୋଇଛି ।

କଂଗ୍ରେସ ନେତା ରାହୁଲ ଗାନ୍ଧି ବି ଏସମ୍ପର୍କିତ ଏକ ଭିଡିଓ ଟ୍ୱିଟ୍ କରି ସେୟାର କରିଛନ୍ତି । ଯେଉଁଥିରେ କିଛି ଛାତ୍ରଛାତ୍ରୀଙ୍କୁ ସେନା ପୋଷାକରେ ଥିବା କିଛି ବ୍ୟକ୍ତି ମାଡ଼ ମାରିବା ସହ ଟଣା ଓଟରା କରୁଛନ୍ତି । ରାହୁଲ ଲେଖିଛନ୍ତି, ଭାରତୀୟଙ୍କୁ ସେଠାରେ ଏମିତି ଭାବରେ ଛାଡ଼ି ପାରିବା ନାହିଁ । ଏଭଳି ହିଂସାର ସାମନା କରୁଥିବା ଛାତ୍ରଛାତ୍ରୀ ଓ ସେମାନଙ୍କ ପରିବାରକୁ ସହାନୁଭୂତ ଜଣାଇଛନ୍ତି । କେନ୍ଦ୍ର ସରକାର ସେମାନଙ୍କୁ ଉଦ୍ଧାର କରିବା ପାଇଁ ତୁରନ୍ତ ପ୍ଲାନ୍ କରିବା ଦରକାର ବୋଲି କହିଛନ୍ତି ରାହୁଲ ।

My heart goes out to the Indian students suffering such violence and their family watching these videos. No parent should go through this.

GOI must urgently share the detailed evacuation plan with those stranded as well as their families.

We can’t abandon our own people. pic.twitter.com/MVzOPWIm8D

— Rahul Gandhi (@RahulGandhi) February 28, 2022

ଆଉ କିଛି ଛାତ୍ର ଭିଡିଓ ପୋଷ୍ଟ କରି ନିର୍ୟାତନାର କାହାଣୀ ବଖାଣିଛନ୍ତି । କେହି କେହି ଚାଲି ଚାଲି ରୋମାନିଆ ସୀମା ନିକଟରେ ପହଞ୍ଚିଛନ୍ତି । କିନ୍ତୁ ୟୁକ୍ରେନ୍ ସୀମା ପାଖରେ ସେନା ପକ୍ଷରୁ ସେମାନଙ୍କୁ ଯିବାକୁ ଦିଆଯାଉ ନାହିଁ । ଏପରିକି ସେମାନଙ୍କୁ ମାରପିଟ କରାଯାଉଛି । ସୁରକ୍ଷକର୍ମୀ ବାଡ଼ିରେ ପିଟୁଥିବା ଭିଡିଓ ବି ସାମନାକୁ ଆସିଛି । ଏପରିକି କିଛି ସ୍ଥାନରେ ଭାରତୀୟଙ୍କ ସହ ଭେଦଭାବ କରାଯାଉଥିବା ଅଭିଯୋଗ ଆସିଛି ।