ଶାର୍ଜାହରୁ ଭାରତ ଆସୁଥିବା ଇଣ୍ଡିଗୋ ବିମାନରେ ଯାତ୍ରୀଙ୍କ ମୃତ୍ୟୁ; ପାକିସ୍ତାନରେ ହେଲା ଜରୁରୀକାଳୀନ ଅବତରଣ
ନୂଆଦିଲ୍ଲୀ: ପାକିସ୍ତାନର କରାଚି ସହରରେ ଏକ ଇଣ୍ଡିଗୋ ବିମାନର ଜରୁରୀକାଳୀନ ଅବତରଣ କରାଯାଇଥିଲା। ଯାତ୍ରୀଙ୍କ ସ୍ୱାସ୍ଥ୍ୟ ଖରାପ ଥିବାରୁ ଏହି ଜରୁରୀ ଅବତରଣ ଘଟିଥିବା କୁହାଯାଉଛି। ଦୁର୍ଭାଗ୍ୟବଶତଃ ଯାତ୍ରୀ ଜଣଙ୍କ ମୃତ୍ୟୁ ମଧ୍ୟ ଘଟିଥିବା କୁହାଯାଉଛି। ବିମାନବନ୍ଦରର ଡାକ୍ତରୀ ଦଳ ତାଙ୍କୁ ମୃତ ଘୋଷଣା କରିଛନ୍ତି। ରିପୋର୍ଟ ଅନୁଯାୟୀ, ଇଣ୍ଡିଗୋ ର 6E 1412 ବିମାନ ଶରଜାନରୁ ଲକ୍ଷ୍ନୌ କୁ ଆସୁଥିଲା।
ଇଣ୍ଡିଗୋ ଏହାର ବିବୃତ୍ତିରେ କହିଛି ଯେ ଯାତ୍ରୀଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେବା ପରେ ବିମାନଟି କରାଚି ଆଡକୁ ମୁହାଁଇଥିଲା। ଏଠାରେ ପହଞ୍ଚିବା ପରେ ବିମାନବନ୍ଦରର ଡାକ୍ତରୀ ଦଳ ଯାତ୍ରୀଙ୍କୁ ମୃତ ଘୋଷଣା କରିଥିଲେ। ବିମାନ ଯାତ୍ରୀଙ୍କ ପରିବାର ପ୍ରତି ସମବେଦନା ଜଣାଇଛି।
ଉଲ୍ଲେଖ ଥାଉ କି, ଚଳିତ ମାସ ଆରମ୍ଭରେ ଏକ ଭାରତୀୟ ଏୟାର ଆମ୍ବୁଲାନ୍ସ ଇନ୍ଧନ ପାଇଁ ଇସ୍ଲାମାବାଦ ବିମାନବନ୍ଦରରେ ଜରୁରୀକାଳୀନ ଅବତରଣ କରିଥିଲା।
ଏହାପୂର୍ବରୁ ଗତ ବର୍ଷ ରିୟାଦରୁ ଦିଲ୍ଲୀକୁ ଆସୁଥିବା ଗୋ-ଏୟାର ବିମାନକୁ ଡାକ୍ତରୀ ଜରୁରୀକାଳୀନ ପରିସ୍ଥିତି କାରଣରୁ କରାଚି ବିମାନବନ୍ଦରକୁ ସ୍ଥାନାନ୍ତର କରିବାକୁ ପଡିଥିଲା। ତେବେ ଅସୁସ୍ଥ ଥିବା କାରଣରୁ ଯାତ୍ରୀଙ୍କ ବିମାନ ଜରୁରୀକାଳୀନ ଅବତରଣ କରିଥିଲା।