IndiGo Flight Makes Emergency Landing : ବଡ଼ ଦୁର୍ଘଟଣାରୁ ବର୍ତ୍ତିଲା ଭୁବନେଶ୍ୱର-ରାଞ୍ଚି ଇଣ୍ଡିଗୋ ବିମାନ…କଲା ହାର୍ଡ ଲ୍ୟାଣ୍ଡିଙ୍ଗ
ଭୁବନେଶ୍ବର: ଭୁବନେଶ୍ୱରରୁ ରାଞ୍ଚି ଯାଉଥିବା ଏକ ଇଣ୍ଡିଗୋ ବିମାନ ବଡ ଦୁର୍ଘଟଣାରୁ ବର୍ତ୍ତି ଯାଇଛି । ପାଇଲଟଙ୍କ ଉପସ୍ଥିତ ବୁଦ୍ଧି ଏକ ବଡ଼ ଦୁର୍ଘଟଣା ଟଳି ଯାଇଛି। ଶୁକ୍ରବାର ରାତିରେ ରାଞ୍ଚିର ବିର୍ସା ମୁଣ୍ଡା ବିମାନବନ୍ଦରରେ ଇଣ୍ଡିଗୋ ବିମାନ ନମ୍ବର 6E 7361କୁ ବିମାନବନ୍ଦରରେ ଏକ ହାର୍ଡ ଲ୍ୟାଣ୍ଡିଙ୍ଗ କରିବାକୁ ପଡିଛି । ଫଳରେ ପ୍ଲେନରେ ଥିବା ଯାତ୍ରୀମାନେ ଭୟଭୀତ ହୋଇପଡିଥିଲେ । ଯାତ୍ରୀମାନେ ଏକ ଝଟକା ଅନୁଭବ କରିଥିଲେ। ସମସ୍ତ ଯାତ୍ରୀ ସୁରକ୍ଷିତ ଅଛନ୍ତି। ବିମାନରେ ୭୫ ଜଣ ଯାତ୍ରୀ ଥିଲେ।
ରାଞ୍ଚି ବିମାନବନ୍ଦରର ନିର୍ଦ୍ଦେଶକ ବିନୋଦ କୁମାରଙ୍କ ସୂଚନାନୁସାରେ, ବିମାନଟି ରାତି ପ୍ରାୟ ସାଢ଼େ ୮ଟାରେ ବିର୍ସା ମୁଣ୍ଡା ବିମାନବନ୍ଦରରେ ନିର୍ଦ୍ଧାରିତ ସମୟଠୁ ବିଳମ୍ବରେ ପହଞ୍ଚିଥିଲା। ଅବତରଣ ସମୟରେ ବିମାନଟି କିଛି ଯାନ୍ତ୍ରିକ ସମସ୍ୟାର ସମ୍ମୁଖୀନ ହୋଇଥିଲା, ଯାହା ଫଳରେ ପାଇଲଟଙ୍କୁ ହାର୍ଡ ଲ୍ୟାଣ୍ଡିଙ୍ଗ କରିବାକୁ ପଡିଥିଲା। ସେ କହିଛନ୍ତି ଯେ କୌଣସି ଯାତ୍ରୀ ଆହତ ହୋଇ ନାହାଁନ୍ତି ଏବଂ ସମସ୍ତେ ସୁରକ୍ଷିତ ଅଛନ୍ତି।
ସେ କହିଛନ୍ତି ଯେ ହାର୍ଡ ଲ୍ୟାଣ୍ଡିଙ୍ଗ ପରେ ମଧ୍ୟ, ବିମାନର ପଛ ପାର୍ଶ୍ୱର କୌଣସି ବାହ୍ୟ କ୍ଷତି ହୋଇନାହିଁ। ବିମାନବନ୍ଦର କର୍ତ୍ତୃପକ୍ଷଙ୍କ ଅଧିକାରୀମାନେ କହିଛନ୍ତି ଯେ କେତେକ ସମୟରେ ବିଭିନ୍ନ କାରଣ ଯୋଗୁଁ ହାର୍ଡ ଲ୍ୟାଣ୍ଡିଙ୍ଗ ଆବଶ୍ୟକ ପଡ଼ିଥାଏ। ଏହା ପରେ ବିମାନଟି ପରବର୍ତ୍ତୀ ଉଡ଼ାଣ ପାଇଁ ସୁରକ୍ଷିତ କି ନାହିଁ ତାହା ନିର୍ଣ୍ଣୟ କରିବା ପାଇଁ ଯାଞ୍ଚ କରାଯାଏ।
ଏହି କ୍ଷେତ୍ରରେ ବିମାନଟି ଉଡ଼ାଣ ପାଇଁ ଅନୁପଯୁକ୍ତ ବୋଲି ଜଣାପଡିଥିଲା। ଏହାକୁ ମରାମତି କରିବା ପାଇଁ ଇଞ୍ଜିନିୟରମାନଙ୍କର ଏକ ଦଳ ଆଜି ଦିଲ୍ଲୀରୁ ଆସିବେ। ଏହି ସମାନ ବିମାନଟି ରାଞ୍ଚିରୁ ଭୁବନେଶ୍ୱରକୁ ତୁରନ୍ତ ଉଡ଼ାଣ କରିବାର ଥିଲା।
ରାତି ୯:୪୦ ରେ ଘୋଷଣା କରାଗଲା ଯେ ବିମାନଟି ଉଡ଼ାଣ ପାଇଁ ଉପଯୁକ୍ତ ନୁହେଁ ଏବଂ ଅନ୍ୟ ଏକ ବିମାନ ବ୍ୟବସ୍ଥା କରିବା ସମ୍ଭବ ନୁହେଁ। ଏହା ଫଳରେ ଭୁବନେଶ୍ୱର ଅଭିମୁଖେ ଯାଉଥିବା ଯାତ୍ରୀମାନେ ହଙ୍ଗାମା ପ୍ରଦର୍ଶନ କରିଥିଲେ। ପରେ ଇଣ୍ଡିଗୋ ପରିଚାଳନା ସମସ୍ତ ଯାତ୍ରୀଙ୍କୁ ଏକ ହୋଟେଲରେ ରହିବାର ବ୍ୟବସ୍ଥା କରିଥିଲା। ଏହା ସହିତ, ୩୫ ଜଣ ଯାତ୍ରୀଙ୍କୁ କାର ଯୋଗେ ଭୁବନେଶ୍ୱର ପଠାଯାଇଥିଲା।