ଶ୍ରୀମନ୍ଦିରରେ ଇନ୍ଦ୍ର ଗୋବିନ୍ଦ ବନ୍ଦାପନା ନୀତି ପାଳିତ

ପୁରୀ: ଭାଦ୍ରବ ଶୁକ୍ଳ ପୂର୍ଣିମା ତିଥିରେ ଇନ୍ଦ୍ରୋତ୍ସବ ପୂର୍ଣିମା ଅବସରରେ ସନ୍ଧ୍ୟା ଆଳତୀ ପରେ ଶ୍ରୀ ଦୋଳଗୋବିନ୍ଦ ଶ୍ରୀଅଙ୍ଗରୁ ଆଜ୍ଞାମାଳ ପାଇ ବଟ ମୂଳେ ଥିବା ପାଲିଙ୍କିକୁ ମହାଜନେ ବିଜେ କରାଇଥିଲେ । ବିମାନବଡୁ ସେବକ ମାନେ ଶ୍ରୀଦୋଳଗୋବିନ୍ଦଙ୍କୁ ଘଣ୍ଟ, ଛତା, କାହାଳି ସହ ସିଂହଦ୍ୱାର ଦେଇ ବଡ଼ଛତା ମଠ ନିକଟରେ ବିଜ କରାଇଥିଲେ ।ସେଠାରେ ଶୀତଳ ଭୋଗ ବଢ଼ିଲାପରେ ଭିତରଚ୍ଛ ମହାପାତ୍ର ଇନ୍ଦ୍ର, ଚନ୍ଦ୍ର,ଗୋବିନ୍ଦଙ୍କୁ ବନ୍ଦାପନା କରିଥିଲେ । ଏହାପରେ ବସେଳି ସହିରୁ ଇନ୍ଦ୍ରହାତୀ ଆସିବାପରେ ବନ୍ଦାପନା ହୋଇ ନୀତି ସମାପନ ପରେ ଶ୍ରୀଦୋଳଗୋବିନ୍ଦଙ୍କୁ ବଡ଼ଦେଉଳକୁ ବହୁଡାବିଜ କରିଥିଲେ ।