ଆଜିଠୁ ଆରମ୍ଭ ଆଇଫୋନ୍‌ ୧୩ ସିରିଜର ପ୍ରି-ବୁକିଂ

ନୂଆଦିଲ୍ଲୀ: ଆଜିଠୁ ଆରମ୍ଭ ଭାରତରେ ଆଇଫୋନ୍‌ ୧୩ ସିରିଜ୍‌ର ପ୍ରି-ବୁକିଂ। ଆଇଫୋନ୍ ୧୩, ଆଇଫୋନ୍ ୧୩ ପ୍ରୋ, ଆଇଫୋନ୍ ୧୩ ପ୍ରୋ ମ୍ୟାକ୍ସ ଏବଂ ଆଇଫୋନ୍ ୧୩ ମିନି ଉପଲବ୍ଧ। ଏହି ସପ୍ତାହ ଆରମ୍ଭରେ ଆପଲ୍ ଆଇଫୋନ୍ ୧୩ ସିରିଜ୍ ଲଞ୍ଚ କରିଥିଲା।

ଆଇଫୋନ୍ ୧୩ ମିନି ଏବଂ ଆଇଫୋନ୍ ୧୩ ଡୁଆଲ୍ ରିୟର କ୍ୟାମେରା ରହିଥିବା ବେଳେ ଆଇଫୋନ୍ ୧୩ ପ୍ରୋ ଏବଂ ଆଇଫୋନ୍ ୧୩ ପ୍ରୋ ମ୍ୟାକ୍ସରେ ଟ୍ରିପଲ୍ ରିୟର କ୍ୟାମେରା ରହିଛି। ଭାରତ ପରେ, ଆଇଫୋନ୍ ୧୩ ସିରିଜ୍ ପାଇଁ ପ୍ରି-ଅର୍ଡର ଅଷ୍ଟ୍ରେଲିଆ, କାନାଡା, ଚୀନ୍, ଜର୍ମାନୀ, ଜାପାନ, ବ୍ରିଟେନ, ଆମେରିକା ଏବଂ ବିଶ୍ବ ୩୦ରୁ ଅଧିକ ଦେଶ ଏବଂ ଅଞ୍ଚଳରେ ଲାଇଭ୍ ହେବ।

ଆପଲ୍ ଆଜି ୫.୩୦ ମିନିଟ୍‌ ରେ ଆଇଫୋନ୍ ୧୩ ସିରିଜ୍‌ ପାଇଁ ପ୍ରି-ଅର୍ଡର ଆରମ୍ଭ କରିବ। ଗ୍ରାହକମାନେ ଆପଲ୍ ଅନ୍ଲାଇନ୍ ଷ୍ଟୋର୍ ଏବଂ ଇ-କମର୍ସ ସାଇଟ୍ ତଥା ସାରା ଦେଶରେ ଖୁଚୁରା ଷ୍ଟୋର୍ ମାଧ୍ୟମରେ ନୂତନ ଆଇଫୋନ୍ ମଡେଲଗୁଡିକୁ ପ୍ରି-ଅର୍ଡର କରିପାରିବେ। ଆମାଜନ ଏବଂ ଫ୍ଲିପକାର୍ଟ ମଧ୍ୟ ନିଜ ନିଜ ସାଇଟରୁ ପ୍ରି-ଅର୍ଡର ନେବା ଆରମ୍ଭ କରିବେ। ନୂତନ ଆଇଫୋନ୍ ମଡେଲଗୁଡିକର ଉପଲବ୍ଧତା ସେପ୍ଟେମ୍ବର ୨୪ ରୁ ଆରମ୍ଭ ହେବ।
ଭାରତରେ ଆଇଫୋନ୍ ୧୩ ବେସ୍ ୧୨୮ ଜିବି ଷ୍ଟୋରେଜ୍ ଭାରିଆଣ୍ଟ ମୂଲ୍ୟ ୭୯,୯୦୦ ରୁ ଆରମ୍ଭ ହେଉଛି। ଯେଉଁଠାରେ ଆଇଫୋନ୍ ୧୩ ୨୫୬ ଜିବି ଏବଂ ୫୧୨ ଜିବି ମଡେଲର ମୂଲ୍ୟ ଯଥାକ୍ରମେ ୮୯,୯୦୦ ଟଙ୍କା ଏବଂ ୧,୦୯,୯୦୦ ଟଙ୍କା ରହିଛି। ଅପରପକ୍ଷେ, ଆଇଫୋନ୍ ୧୩ ପ୍ରୋ ର ୧୨୮ ଜିବି ଷ୍ଟୋରେଜ୍ ମଡେଲର ମୂଲ୍ୟ ୧,୧୯,୯୦୦ ଟଙ୍କା ରହିଛି।