ମୁମ୍ବାଇ: ଅନୁଷ୍କା ଶର୍ମା ଏବଂ ବିରାଟ କୋହଲିଙ୍କ ପ୍ରଶଂସକଙ୍କ ପାଇଁ ଏକ ବଡ଼ ଖୁସି ଖବର । ପୁଣି ଥରେ ପିତା ମାତା ହେବାକୁ ଯାଉଛନ୍ତି ଏହି ଷ୍ଟାର ଦମ୍ପତି । ଅନୁଷ୍କା ଶର୍ମା ଦ୍ୱିତୀୟ ଥର ଗର୍ଭବତୀ ଅଛନ୍ତି ।
ପ୍ରକାଶିତ ଏକ ରିପୋର୍ଟ ଅନୁଯାୟୀ ଏହି ଦମ୍ପତି ଖୁବ୍ ଶୀଘ୍ର ନିଜ ପ୍ରଶଂସକଙ୍କ ସହ ଏହି ଖୁସି ଖବର ବାଣ୍ଟିବାକୁ ଯାଉଛନ୍ତି । କିନ୍ତୁ ବର୍ତ୍ତମାନ ସେ ଏହି ଖବରକୁ ଲୋକଲୋଚନକୁ ଆଣିବାକୁ ଚାହୁଁନାହାଁନ୍ତି । ତେବେ କିଛି ଦିନ ପୂର୍ବେ ଅନୁଷ୍କା ଏବଂ ବିରାଟଙ୍କୁ ମାତୃତ୍ୱ ଚିକିତ୍ସାଳୟ ବାହାରେ ପାପାରାଜିମାନେ ଦେଖିଥିଲେ, କିନ୍ତୁ ଉଭୟେ ଫଟୋ ଲିକ୍ ନକରିବାକୁ ସେମାନଙ୍କୁ ଅନୁରୋଧ କରିଥିଲେ । ଏହି କାରଣରୁ ଅନୁଷ୍କା ଦୀର୍ଘ ଦିନ ଧରି ସର୍ବସାଧାରଣରେ ଉପସ୍ଥିତ ନଥିଲେ । ଏପରିକି ଏହି ଷ୍ଟାର ଦମ୍ପତିଙ୍କୁ ଅମ୍ବାନୀଙ୍କ ଗଣେଶ ଚତୁର୍ଥୀ ପାର୍ଟିରେ ମଧ୍ୟ ଦେଖିବାକୁ ମିଳିନଥିଲା।
ସୂଚନାଯୋଗ୍ୟ ଯେ, ୨୦୨୧ ଜାନୁୟାରୀ ୧୧ରେ ଅନୁଷ୍କା ଶର୍ମା ଏବଂ ବିରାଟ କୋହଲି ଝିଅ ଭାମିକା ଜନ୍ମ ହୋଇଥିଲା । ଉଭୟ ପ୍ରଥମ ଥର ପାଇଁ ପିତାମାତା ହୋଇଥିବାରୁ ବହୁତ ଖୁସି ଥିଲେ । ଆଜି ପର୍ଯ୍ୟନ୍ତ ଏହି ଦମ୍ପତି ନିଜ ଝିଅକୁ ଲାଇମଲାଇଟ୍ ଠାରୁ ଦୂରରେ ରଖିଛନ୍ତି । ଏପର୍ଯ୍ୟନ୍ତ ଦୁହେଁ ନିଜ ଝିଅର ଚେହେରା ସର୍ବସାଧାରଣରେ ଦେଖାଇ ନାହାଁନ୍ତି । ବିରାଟ ନିଜେ ଏକ ସାକ୍ଷାତକାର ଅବସରରେ କହିଥିଲେ ସେ ଭାମିକାର ଚେହେରା ସୋସିଆଲ ମିଡିଆରେ ଦେଖାଇବେ ନାହିଁ ଯେ ପର୍ଯ୍ୟନ୍ତ ସେ ନିଜେ ସୋସିଆଲ ମିଡିଆ ସାମ୍ନାକୁ ଆସିବା ନେଇ ଇଛା ପ୍ରକାଶ ନ କରିଛି ।
Comments are closed.