ମଲାଇକାଙ୍କୁ ଡିଭୋର୍ସ, ଜର୍ଜିଆଙ୍କ ସହ ବ୍ରେକଅପ୍, ଏବେ ଏହି ଯୁବତୀଙ୍କ ପ୍ରେମରେ ଉବୁଟୁବୁ ୫୬ ବର୍ଷିୟ ଅରବାଜ୍ ଖାନ୍

ମୁମ୍ବାଇ: ସଲମାନ ଖାନଙ୍କ ଭାଇ ଅରବାଜ ଖାନ ତାଙ୍କ ବ୍ୟକ୍ତିଗତ ଜୀବନ ପାଇଁ ସବୁବେଳେ ଚର୍ଚ୍ଚାରେ ରହିଥାନ୍ତି | ମଲାଇକା ଆରୋରାଙ୍କ ସହ ତାଙ୍କର ପ୍ରଥମେ ପ୍ରେମ, ତା’ପରେ ବିବାହ ଏବଂ ପରେ ବିବାହ ବିଚ୍ଛେଦ ଲୋକଙ୍କୁ ଆଶ୍ଚର୍ଯ୍ୟ କରିଦେଇଥିଲା ​​| ମଲାଇକା ଠାରୁ ଅଲଗା ହେବା ପରେ ସେ ଅଭିନେତ୍ରୀ ଜର୍ଜିଆ ଆଣ୍ଡ୍ରିଆନିଙ୍କ ସହ ସମ୍ପର୍କରେ ଥିଲେ । ସେହି ସମ୍ପର୍କ ବିଷୟରେ ସେ ନିଜେ ସମସ୍ତଙ୍କୁ ଜଣାଇଥିଲେ । ମାତ୍ର କିଛି ଦିନ ବ୍ୟବଧାନରେ ଜର୍ଜିଆ ନିଜେ ଘୋଷଣା କରିଥିଲେ ଯେ ତାଙ୍କର ଏବଂ ଅରବାଜ ବ୍ରେକଅପ୍ ହୋଇସାରିଛି । ଦ୍ୱିତୀୟ ଥର ପାଇଁ ପ୍ରେମରେ ହାରିବା ପରେ ଏବେ ୫୬ ବର୍ଷିୟ ଅରବାଜ ପୁଣିଥରେ ପ୍ରେମରେ ପଡିଛନ୍ତି |

ଜର୍ଜିଆ ଆଣ୍ଡ୍ରିଆନିଙ୍କ ସହ ବ୍ରେକଅପ୍ ପରେ ଅରବାଜ ଖାନଙ୍କ ଜୀବନରେ ପୁଣି ଥରେ ପ୍ରେମର ରଙ୍ଗ ଲାଗିଛି । ବର୍ତ୍ତମାନ ଖବର ଆସିଛି ଯେ ତାଙ୍କ ଜୀବନରେ ପୁଣି ଥରେ ଜଣେ ନୂତନ ସାଥୀ ଏଣ୍ଟ୍ରି ମାରିଛନ୍ତି । ଏନେଇ ଖୁବ୍ ଶୀଘ୍ର ଖୁସି ଖବର ଦେବାକୁ ଯାଉଛନ୍ତି ଅରବାଜ | ଅରବାଜ ଖାନ ଏବଂ ମଲାଇକା ଆରୋରା ତାଙ୍କର ଦୀର୍ଘ ୧୯ ବର୍ଷର ବୈବାହିକ ଜୀବନରୁ ଗତ ୨୦୧୬ ମସିହାରେ ବିଚ୍ଛେଦ ହୋଇଥିଲେ । ଦୁହେଁଙ୍କ ଛାଡପତ୍ର ହେବା ପରେ ଜର୍ଜିଆ ଆଣ୍ଡ୍ରିଆନଙ୍କ ସହ ଅରବାଜଙ୍କ ସମ୍ପର୍କ ବିଷୟରେ ୨୦୧୯ରେ ସ୍ପଷ୍ଟ କରିଥିଲେ ଅରବାଜ୍ । ତେବେ ୩ ବର୍ଷ ସମ୍ପର୍କରେ ରହିବା ପରେ ଦୁହେଁଙ୍କର ବ୍ରେକଅପ୍ ହୋଇଥିଲା ।

ଖବର ଅନୁଯାୟୀ, ଆରବାଜ ଆଜିକାଲି ବଲିଉଡର ମେକଅପ୍ କଳାକାର ଶୁରା ଖାନଙ୍କୁ ଡେଟ କରୁଛନ୍ତି। ଏହି ଦମ୍ପତି ବର୍ତ୍ତମାନ ସେମାନଙ୍କ ସମ୍ପର୍କକୁ ନେଇ ସିରିୟସ ଅଛନ୍ତି ଏବଂ ଶୀଘ୍ର ବିବାହ କରିବାକୁ ମଧ୍ୟ ଯୋଜନା କରୁଛନ୍ତି। ଏହି ଖବର ମିଳିବା ପରେ ପ୍ରଶଂସକମାନେ ଆଶା କରୁଛନ୍ତି ଯେ ଅରବାଜ ଶୀଘ୍ର ଖୁସି ଖବର ଘୋଷଣା କରିପାରନ୍ତି । ଅରବାଜ ଓ ଶୁରା ପ୍ରଥମ ଥର ଅରବାଜଙ୍କ ଆଗାମୀ ଚଳଚ୍ଚିତ୍ର ‘ପାଟନା ଶୁକ୍ଲା’ର ସେଟରେ ଭେଟିଥିଲେ, ଯାହା ଆସନ୍ତା ବର୍ଷ ମୁକ୍ତିଲାଭ କରିବ। ଶୁରା ଖାନ ଜଣେ ଜଣାଶୁଣା ମେକଅପ୍ କଳାକାର |