ଭୁବନେଶ୍ୱର: ଚଳିତ ଆଇଏସଏଲ ଫୁଟବଲ ଟୁର୍ଣ୍ଣାମେଣ୍ଟରେ ଓଡ଼ିଶା ଏଫସି ଆଜି କଳିଙ୍ଗ ଷ୍ଟାଡ଼ିୟମରେ ଅନୁଷ୍ଠିତ ହୋଇଥିବା ମ୍ୟାଚରେ ଘରୋଇ ଦର୍ଶକଙ୍କ ସମର୍ଥନରେ ବିଜୟ ହାସଲ କରିପାରିଛି । ଆଜିର ମ୍ୟାଚରେ ଓଡ଼ିଶା ଏଫସି ଚମତ୍କାର ଖେଳ ପ୍ରଦର୍ଶନ କରି ଜାମସେଦପୁର ଏଫସିକୁ ୨-୧ ଗୋଲରେ ପରାସ୍ତ କରିଛି ।
ଓଡ଼ିଶା ଏଫସି ଚଳିତ ଆଇଏସଏଲ ସିଜନରେ ୯ଟି ମ୍ୟାଚ ବାହାରେ ଖେଳିବା ପରେ ଆଜି ପ୍ରଥମଥର ଲାଗି ଘରୋଇ ଷ୍ଟାଡ଼ିୟମରେ ମ୍ୟାଚ ଖେଳି ସଫଳତା ହାସଲ କରିପାରିଛି ।
ଆଜିର ମ୍ୟାଚରେ ଓଡ଼ିଶା ଏଫସି ପକ୍ଷରୁ ଏରିଡ଼େନ୍ ସାନ୍ତନାଙ୍କ ଦୁଇଟି ଚିତାକର୍ଷକ ଗୋଲ ଘରୋଇ ପଡ଼ିଆରେ ଦଳକୁ ବିଜୟର ସ୍ୱାଦ ଚଖାଇପାରିଛି ।
The star ⭐ of the match.
Aridane Santana ✌?
⚽?#AmaTeamAmaGame #OdishaForSports @OdishaFC pic.twitter.com/pSzohrwdaw
— Odisha Sports (@sports_odisha) December 27, 2019
ଏଠାରେ ସୂଚନାଯୋଗ୍ୟ ପୂର୍ବରୁ ଦିଲ୍ଲୀ ଡାଇନାମୋସ ନାମରେ ରହିଥିବା ଏହି ଦଳ ଏହି ବର୍ଷ ଓଡ଼ିଶା ଏଫସିରେ ନାମିତ ହୋଇଥିଲା । ଓଡ଼ିଶା ରାଜଧାନୀ ଭୁବନେଶ୍ୱରର କଳିଙ୍ଗ ଷ୍ଟାଡ଼ିୟମ ହିଁ ଏହି ଦଳର ଘରୋଇ ପଡ଼ିଆ ଭାବେ ସ୍ୱିକୃତି ହାସଲ କରିଥିଲା । ଦଳ ଆଜି ଘରୋଇ ଦର୍ଶକଙ୍କ ସମ୍ମୁଖରେ ବେଶ୍ ଉତ୍ସାହର ସହିତ ଖେଳ ପ୍ରଦର୍ଶନ କରିଥିଲା ।
ଓଡ଼ିଶା ଏଫସି ଖେଳିଥିିବା ୧୦ଟି ମ୍ୟାଚ ମଧ୍ୟରୁ ୩ଟି ବିଜୟ, ୩ଟି ଡ୍ର ଏବଂ ୪ଟି ପରାଜୟରୁ ମୋଟ ୧୧ ପଏଣ୍ଟ ହାସଲ କରିପାରିଛି ।
Comments are closed.