ନୂଆଦିଲ୍ଲୀ: ଏସିଆ କପ କ୍ରିକେଟର ୨୦୨୩ ସଂସ୍କରଣ ପାକିସ୍ତାନ ଓ ଶ୍ରୀଲଙ୍କାରେ ଆୟୋଜିତ ହେବ । ପାକିସ୍ତାନରେ ୪ଟି ଏବଂ ଶ୍ରୀଲଙ୍କାରେ ୯ଟି ମ୍ୟାଚ ଖେଳାଯିବ । ଏଥିପାଇଁ ଖୁବ ଶୀଘ୍ର ଟିମ ଇଣ୍ଡିଆର ଦଳ ଚୟନ କରାଯିବ । ରିପୋର୍ଟ ମୁତାବକ ଏହି ଟୁର୍ଣ୍ଣାମେଂଟ ମାଧ୍ୟମରେ ଯଶପ୍ରୀତ ବୁମରାହ ଓ ଶ୍ରେୟାଶ ଆୟାର ଦଳକୁ ଫେରି ପାରନ୍ତି । ଆଘାତ ସମସ୍ୟା ଯୋଗୁ ଉଭୟ ଦଳରୁ ଓହରି ଯାଇଥିଲେ । ପିଠି ସମସ୍ୟା ଯୋଗୁ ବୁମରାହ ୯ ମାସ ହେବ କ୍ରିକେଟଠାରୁ ଦୂରରେ ଅଛନ୍ତି । ସେ ଟି୨୦ ବିଶ୍ୱକପ ଓ ଆଇପିଏଲରେ ମଧ୍ୟ ଖେଳି ପାରି ନ ଥିଲେ । ଅସ୍ତ୍ରୋପଚାର ପରେ ଏବେ ସେ ସମ୍ପୂର୍ଣ୍ଣ ସୁସ୍ଥ ଅଛନ୍ତି ଏବଂ ଦଳକୁ ଫେରିବା ନେଇ ବ୍ୟଗ୍ର ଥିବା ଜଣାପଡିଛି ।
ବୁମରାହ ଓ ଶ୍ରେୟାଶ କଠିନ ଅଭ୍ୟାସ ମଧ୍ୟ ଜାରୀ ରଖିଛନ୍ତି । ଏନସିଏ ପକ୍ଷରୁ ମଧ୍ୟ ଏହି ଦୁଇ ଖେଳାଳି ଫିଟ ହୋଇଥିବା ସବୁଜ ସଙ୍କେତ ଦିଆଯାଇଛି । ଫିଜିଓଥେରାପୀ ପରେ ବୁମରାହ ବୋଲିଂ ଅଭ୍ୟାସ ମଧ୍ୟ ଆରମ୍ଭ କରି ଦେଇଛନ୍ତି । ଏହି ଦୁଇ ଖେଳାଳି ଦଳକୁ ଫେରିଲେ ଟିମ କମ୍ବିନେଶନ ଠିକ ରହିବ ବୋଲି ଆଶା କରାଯାଉଛି ।
Comments are closed.