ଯାଜପୁର: ବହୁଚର୍ଚ୍ଚିତ ଧର୍ମଶାଳା ହରିଦାସପୁର ପିଇଓ ସ୍ମିତାରାଣୀ ବିଶ୍ବାଳ ମୃତ୍ୟୁ ଘଟଣା। ଆଜି ଭଙ୍ଗା ହେଲା ଅଭିଯୁକ୍ତ ରୂପେଶ ଭଦ୍ରର ବେଆଇନ୍ ଗେଷ୍ଟହାଉସ ରଙ୍ଗଶାଳା । ଜିଲ୍ଲା ପ୍ରଶାସନ ପକ୍ଷରୁ ରଙ୍ଗଶାଳା ଭଙ୍ଗା ଚାଲିଛି । ଘରର ଆସବାବ ପତ୍ର ସବୁ ବାହାରକୁ କାଢ଼ି ଦିଆଯାଇଛି । ପୂର୍ବରୁ ଏହି ଗେଷ୍ଟ ହାଉସ୍ଟି ସରକାରୀ ଜମିରେ ଗଢ଼ି ଉଠିଥିବା ନେଇ ତଦନ୍ତ ପରେ ଜଣାପଡିଥିଲା । ଏହା ପରେ ପ୍ରଶାସନ ପକ୍ଷରୁ ଏହାକୁ ସିଲ୍ କରାଯାଇଥିଲା ।
ତେଣୁ ପ୍ରଶାସନ ଆଜି ଏହାକୁ ଭାଙ୍ଗିବାକୁ ନିଷ୍ପତି ନେଇଛି। ସେପଟେ ଗେଷ୍ଟହାଉସ ଭାଙ୍ଗାଯିବା ନେଇ ସ୍ଥାନୀୟ ଲୋକେ ଓ ସରପଞ୍ଚ ଏହାକୁ ବିରୋଧ କରିଛନ୍ତି। ଘଟଣାସ୍ଥଳରେ ଯାଜପୁର ଏ.ଡି.ଏମ୍, ଧର୍ମଶାଳା ତହସିଲଦାର ଉପସ୍ଥିତ ରହିଥିବା ବେଳେ ୩ ପ୍ଲାଟୁନ ପୋଲିସ ଫୋର୍ସ ମୁତୟନ କରାଯାଇଛି। ଗତ ଅକ୍ଟୋବର ମାସ ୧୬ ତାରିଖ ଦିନ ଏହି ଗେଷ୍ଟହାଉସରୁ ସ୍ମିତାରାଣୀଙ୍କ ମୃତଦେହ ଉଦ୍ଧାର କରାଯାଇଥିଲା ।
Comments are closed.