ବଲାଙ୍ଗିର : ସ୍କୁଲର ଚାଲିଥିଲା ବାର୍ଷିକ କ୍ରୀଡ଼ା । ଖେଳ ଚାଲିଥିବାବେଳେ ଜାଭେଲିନ୍ ପଶିଗଲା ଛାତ୍ରଙ୍କ ବେକରେ । ଗୁରୁତର ଅବସ୍ଥାରେଳ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି । ଏପରି ହୃଦୟଥରା ଘଟଣା ଘଟିଛି ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଆଗଲପୁର ବାଳକ ଉଚ୍ଚ ବିଦ୍ୟାଳୟରେ ।
ପୁରା ଘଟଣା ଥିଲା ଏମିତି । ସକାଳୁ ସକାଳୁ ସ୍କୁଲ ବାର୍ଷିକ କ୍ରୀଡା ପାଇଁ ସ୍କୁଲ ପଡିଆରେ ରୁଣ୍ଡ ହୋଇଥିଲେ ପିଲା ।ପ୍ରତିଯୋଗିତା ଆରମ୍ଭ ହେବା ପୂର୍ବରୁ ଜଣେ ଛାତ୍ର ଜାଭଲିନ ଅଭ୍ୟାସ କରୁଥିଲେ । ହେଲେ ଏହା ସିଧା ଯାଇ ପଶି ଯାଇଥିଲା ଅନ୍ୟ ଜଣେ ଛାତ୍ରଙ୍କ ବେକରେ । ଉକ୍ତ ଛାତ୍ରଙ୍କ ନାଁ ସଢାନନ ମେହର । ସେ ନବମ ଶ୍ରେଣୀର ଛାତ୍ର ।
ସଢାନନଙ୍କ ଚିତ୍କାର ଶୁଣି ପିଲା ଓ ଶିକ୍ଷକ ରୁଣ୍ଡ ହୋଇଥିଲେ । ତାଙ୍କୁ ତୁରନ୍ତ ବଲାଙ୍ଗିର ମେଡିକାଲ କଲେଜରେ ଭର୍ତ୍ତି କରିଥିଲେ । ତାଙ୍କ ବେକରୁ ଜାଭଲିନ କାଢିବା ପାଇଁ ଅସ୍ତ୍ରୋପଚାର କରାଯିବ । ବଲାଙ୍ଗିର ଅତିରିକ୍ତ ଜିଲ୍ଲାପାଳ, ଉପଜିଲ୍ଲାପାଳ, ଜିଲ୍ଲା ଶିକ୍ଷାଧିକାରୀଙ୍କ ସହ ଅନ୍ୟମାନେ ଡାକ୍ତରଖାନାରେ ପହଞ୍ଚିଛନ୍ତି ।
Comments are closed.