ଭୁବନେଶ୍ୱର: ଏନଡିଏରେ ସାମିଲ ପାଇଁ ବିଜେଡିକୁ ଆହ୍ବାନ ଦେଇଥିଲେ କେନ୍ଦ୍ରମନ୍ତ୍ରୀ ରାମଦାସ ଅଠୱାଲେ । ରାମଦାସଙ୍କ ଆହ୍ୱାନ ପରେ ରାଜ୍ୟରେ ରାଜନୀତି ଜୋରଧରିଛି ।ଏହି ପ୍ରସଙ୍ଗରେ ବିରୋଧୀଦଳ ନେତା ଜୟନାରାୟଣ ମିଶ୍ରଙ୍କ ପ୍ରତିକ୍ରିୟା ଦେଇଛନ୍ତି । ଜୟନାରାୟଣ କହିଛନ୍ତି ଅଠୱାଲେ ବିଜେପିର ନୁହନ୍ତି ସେ ତାଙ୍କ ସ୍ଵାର୍ଥ ପାଇଁ ଏଭଳି କହିଥିବେ। ନିଜର ବାର୍ଗେନ୍ ପାୱାର ବଢ଼ାଇବାକୁ ଏପରି କହିଥିବେ। ବହୁତ୍ ଲୋକ ବହୁତ୍ କଥା କହିବେ। ବିଜେପି କିନ୍ତୁ ନବୀନଙ୍କୁ ଗ୍ରହଣ କରିବ ନାହିଁ। କୌଣସି ବୁଝାମଣା ହେବାର ନାହିଁ। ଅମିତ ଶାହା କହିଛନ୍ତି ୨୦୨୪ରେ ବିଜେପି ଏକା ଲଢିବ। ଆଠୱାଲେଙ୍କ ସହ ଆମର ସରକାର ନାହିଁ। ଦଳର ମୁଖପାତ୍ର ଓ ଦଳକୁ ଚଳାଉଥିବା ଲୋକ ତ କିଛି କହି ନାହାନ୍ତି। ବିଜେଡି ସହ କୌଣସି ବୁଝାମଣା ହେବାର ନାହିଁ ଯଦି ହେବାର ଥିଲା ମୋତେ ବିରୋଧୀଦଳ ନେତା କରି ନଥାନ୍ତେ। ଆଗକୁ ବିଜେପିର ବହୁତ୍ ପରିବର୍ତ୍ତନ ହେବ। ବିଜେପି ଏକା ଲଢିବ। ରାଷ୍ଟ୍ରପତି ନିର୍ବାଚନରେ ବହୁ ଦଳ ସମର୍ଥନ କରିଛନ୍ତି। ପ୍ରସଙ୍ଗ ଭିତ୍ତିକ ସମର୍ଥନ କରିଥାନ୍ତି ବହୁ ଦଳ। ବିଜେଡି ବି କରିଛି। ଏଥିରେ ନୀତିଗତ ପାର୍ଥକ୍ୟ ପରିବର୍ତ୍ତନ ହେବାର ନାହିଁବୋଲି ପ୍ରତିକ୍ରିୟା ରଖିଛନ୍ତି ବିରୋଧୀଦଳ ନେତା ଜୟନାରାୟଣ ମିଶ୍ର ।
Comments are closed.