ଝାଡ଼ଖଣ୍ଡ: ଝାଡ଼ଖଣ୍ଡ ବିଧାନସଭା ଲାଗି ଗୁରୁବାର ଦିନ ୩ୟ ପର୍ଯ୍ୟାୟ ଭୋଟଗ୍ରହଣ ଶାନ୍ତି ଶୃଙ୍ଖଳାର ସହିତ ଶେଷ ହୋଇଛି । ମୋଟ ୧୭ଟି ଆସନ ଲାଗି ମତଦାନ ହୋଇଥିବା ବେଳେ ୬୧.୧୯ ପ୍ରତିଶତ ଭୋଟଗ୍ରହଣ ହୋଇଥିବା ନେଇ ଝାଡ଼ଖଣ୍ଡ ନିର୍ବାଚନ କମିଶନ ଅଧିକାରୀଙ୍କଠାରୁ ସୂଚନା ମିଳିଛି ।
विधानसभा चुनाव के मद्देनजर आज निर्वाचन भवन में बने बज्र गृह में जिला निर्वाचन पदाधिकारी सह उपायुक्त वरुण रंजन ने 01 राजमहल विधानसभा क्षेत्र, 02 बोरियो विधानसभा क्षेत्र, तथा 03 बरहेट विधानसभा क्षेत्र के लिये उपयोग होने वाले EVM, वीवीपैट मशीनों के हो रहे कमिंसनिंग का निरीक्षण किया। pic.twitter.com/21styVDlgr
— DEO cum DC Sahibganj (@dc_sahibganj) December 12, 2019
ଏହି ନିର୍ବାଚନରେ ସମୁଦାୟ ୩୦୯ ଜଣ ପ୍ରାର୍ଥୀ ବିଭିନ୍ନ ଦଳରୁ ପ୍ରତିଦ୍ୱନ୍ଦ୍ୱିତା କରୁଥିବା ବେଳେ ସେମାନଙ୍କର ଭାଗ୍ୟ ଇଭିଏମ ମଧ୍ୟରେ ସିଲ୍ ହୋଇଯାଇଛି । କଡ଼ା ସୁରକ୍ଷା ବଳୟ ମଧ୍ୟରେ ଏହି ଇଭିଏମ ବାକ୍ସ ଗୁଡ଼ିକୁ ସ୍ଥାନାନ୍ତରୀତ କରାଯାଇ ରଖାଯାଇଛି ।
ଏଠାରେ ସୂଚନାଯୋଗ୍ୟ ଗୁରୁବାର ଦିନ ଅନୁଷ୍ଠିତ ହୋଇଥିବା ଏହି ନିର୍ବାଚନରେ ୧୭ଟି ଆସନ ମଧ୍ୟରୁ ୧୨ଟି ନିର୍ବାଚନ ମଣ୍ଡଳୀ ନକ୍ସଲ ଉପଦ୍ରୁତ ଅଞ୍ଚଳ । ତେଣୁ ଏହି ୧୨ଟି ଆସନରେ ସକାଳ ୭ଟାରୁ ଦିନ ୩ଟା ପର୍ଯ୍ୟନ୍ତ ଭୋଟ ଗ୍ରହଣ ଅନୁଷ୍ଠିତ ହୋଇଥିଲା । ଅନ୍ୟ ୫ଟି ଆସନରେ ସକାଳ ୭ରୁ ଦିନ ୫ଟା ପର୍ଯ୍ୟନ୍ତ ଭୋଟଗ୍ରହଣ ହୋଇଥିଲା ।
ଝାଡ଼ଖଣ୍ଡ ନିର୍ବାଚନ କମିଶନ ଅଧିକାରୀଙ୍କ ସୂଚନାନୁଯାୟୀ ସମୁଦାୟ ୫୬, ୧୮, ୨୬୭ ଜଣ ଭୋଟରଙ୍କ ମଧ୍ୟରୁ ୬୧.୧୯ ପତିଶତ ଭୋଟର ସେମାନଙ୍କର ମତଦାନ ସାବ୍ୟସ୍ତ କରିଛନ୍ତି ।
ଆସନ୍ତା ୧୬ ତାରିଖରେ ଚତୁର୍ଥ ପର୍ଯ୍ୟାୟ ଏବଂ ୨୦ ତାରିଖରେ ଅନ୍ତିମ ପର୍ଯ୍ୟାୟ ତଥା ପଞ୍ଚମ ପର୍ଯ୍ୟା ନିର୍ବାଚନ ଅନୁଷ୍ଠିତ ହେବ ।