ଝାଡ଼ଖଣ୍ଡ ନିର୍ବାଚନ ଫଳାଫଳ: ୪୨ଟି ଆସନ ସହ ଆଗରେ ଜେଏମଏମ-କଂଗ୍ରେସ ମେଣ୍ଟ, ବିଜେପି ୨୮

ଋାଞ୍ଚି: ଆଜି ଝାଡ଼ଖଣ୍ଡ ବିଧାନସଭା ନିର୍ବାଚନର ଭୋଟ ଗଣତି ଚାଲିଛି । ଦିନ ୧୧ଟା ସୁଦ୍ଧା ହୋଇଥିବା ଭୋଟଗଣତି ଅନୁଯାୟୀ ଜେଏମଏମ-କଂଗ୍ରେସ ମେଣ୍ଟ ୪୨ଟି ଆସନରେ ଆଗୁଆ ରହିଥିବା ବେଳେ ଶାସକ ବିଜେପି ୨୮ଟି ଆସନ ସହିତ ପଛରେ ରହିଛି । ସେହିପରି ଜେଭିଏମ ୩ଟି ଆସନରେ ଏବଂ ଅନ୍ୟାନ୍ୟ ଦଳ ଓ ନିର୍ଦ୍ଦଳୀୟ ୮ଟି ଆସନରେ ଆଗୁଆ ରହିଛନ୍ତି ।

JVM(P)’s candidate from Dhanwar, Babulal Marandi: The results are not as per our expectation. We will have to accept people’s mandate. We will play the role which people’s mandate has given us. Let the results come, then we will sit and discuss what to do. #JharkhandElection2019 pic.twitter.com/707uBjWPH2

— ANI (@ANI) December 23, 2019

ଝାଡ଼ଖଣ୍ଡରେ ଝାଡ଼ଖଣ୍ଡ ମୁକ୍ତିମୋର୍ଚ୍ଚା ଏବଂ କଂଗ୍ରେସ ମେଣ୍ଟ ସରକାର ଗଢିବା ଏକପ୍ରକାର ନିଶ୍ଚିତ ହୋଇଯାଇଛି । ୮୧ଟି ଆସନ ବିଶିଷ୍ଟ ଝାଡ଼ଖଣ୍ଡ ବିଧାନସଭାରେ ୪୧ଟି ଆସନ ଆବଶ୍ୟକ ସରକାର ଗଠନ ନିମନ୍ତେ । ତେଣୁ ଜେଏମଏମ-କଂଗ୍ରେସ ମେଣ୍ଟକୁ ଏହି ମ୍ୟାଜିକ୍ ଫିଗର୍ ସହଜରେ ମିଳିଯିବାର ଯଥେଷ୍ଟ ସମ୍ଭାବନା ରହିଛି ।

ଜେଏମଏମର ବରିଷ୍ଠ ନେତା ହେମନ୍ତ ସୋରେନ୍ ପରବର୍ତ୍ତୀ ମୁଖ୍ୟମନ୍ତ୍ରୀ ହେବାର ସମ୍ଭାବନା ରହିଛି । କାରଣ ଜେଏମଏମ-କଂଗ୍ରେସ ମେଣ୍ଟ ପକ୍ଷରୁ ହେମନ୍ତ ମୁଖ୍ୟମନ୍ତ୍ରୀ ପ୍ରାର୍ଥୀ ଭାବେ ନିର୍ବାଚନ ଲଢୁଥିଲେ ।

ଏହି ନିର୍ବାଚନରେ ବିରୋଧୀ ମେଣ୍ଟକୁ ୪୪ଟି ଆସନ ମିଳିବାର ସମ୍ଭାବନା ରହିଛି । ଦିନ ୧୧ଟା ସୁଦ୍ଧା ଭୋଟ ଗଣତି ଅନୁଯାୟୀ, ମୁଖ୍ୟମନ୍ତ୍ରୀ ତଥା ବରିଷ୍ଠ ବିଜେପି ନେତା ରଘୁବର ଦାସ ଜାମସେଦପୁର ପୂର୍ବ ଆସନରେ ପଛୁଆ ରହିଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ତଥା ଜେଭିଏମ (ପି) ନେତା ବାବୁଲାଲ୍ ମାରାଣ୍ଡି ଧନୱାର ଆସନରେ ସିପିଆଇ (ଏମଏଲ)ପ୍ରାର୍ଥୀ ରାଜକୁମାର ଯାଦବଙ୍କଠାରୁ ପ୍ରାୟ ୨,୮୪୧ ଭୋଟରେ ଆଗୁଆ ରହିଛନ୍ତି ।