ଝାଡ଼ଖଣ୍ଡରେ ଜମୁଛି ପ୍ରଚାର; ମୁହାଁମୁହିଁ ହେଲେ ରାହୁଲ ଗାନ୍ଧୀ ଓ ପ୍ରଧାନମନ୍ତ୍ରୀ ମୋଦୀ !

ଋାଞ୍ଚି: ଆସନ୍ତା ୧୨ ତାରିଖରେ ଝାଡ଼ଖଣ୍ଡ ବିଧାନସଭାର ତୃତୀୟ ପର୍ଯ୍ୟାୟ ନିର୍ବାଚନ ଅନୁଷ୍ଠିତ ହେଉଥିବା ବେଳେ ସମସ୍ତ ଦଳର ପ୍ରଚାର କାର୍ଯ୍ୟ ଜୋରଦାର୍ ଜାରି ରହିଛି । ସୋମବାର ଦିନ ଝାଡ଼ଖଣ୍ଡର ଭିନ୍ନ ଭିନ୍ନ ନିର୍ବାଚନୀ ସଭାରେ ବିଜେପି ପକ୍ଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ କଂଗ୍ରେସ-ଜେଏମଏମ ମେଣ୍ଟ ପକ୍ଷରୁ ବରିଷ୍ଠ କଂଗ୍ରେସ ନେତା ରାହୁଲ ଗାନ୍ଧୀ ଦମଦାର୍ ପ୍ରଚାର କରିଛନ୍ତି । ଝାଡ଼ଖଣ୍ଡର ଭିନ୍ନ ଭିନ୍ନ ନିର୍ବାଚନ ମଣ୍ଡଳୀର ଜନସଭାରେ ମୁହାଁମୁହିଁ ହୋଇଛନ୍ତି ମୋଦୀ ଓ ରାହୁଲ ଗାନ୍ଧୀ । ପରସ୍ପରକୁ ସମାଲୋଚନା କରି ଜନ ସମର୍ଥନ ଲୋଡ଼ିବାରେ ଲାଗିଛନ୍ତି ଦୁଇଦଳର ପ୍ରମୁଖ ନେତା ।

LIVE: Shri @RahulGandhi addresses a public rally in Ranchi, Jharkhand. #राहुल_संग_झारखंड https://t.co/Uk3EPNY69F

— Congress (@INCIndia) December 9, 2019

ହଜାରିବାଗଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିରୋଧୀ କଂଗ୍ରେସକୁ କଟାକ୍ଷ କରି କହିଥିବା ବେଳେ ରାହୁଲ ଗାନ୍ଧୀ ବଡ଼କାଗାଓଁଠାରେ ଅନୁଷ୍ଠିତ ଏକ ବିଶାଳ ଜନସଭାରେ କେନ୍ଦ୍ରରେ ବିଜେପି ନେତୃତ୍ୱାଧୀନ ମୋଦୀ ସରକାରକୁ କଡ଼ା ସମାଲୋଚନା କରିଛନ୍ତି ।

आज जब झारखंड में एक गठबंधन राज्य को लूटने की मशक्कत कर रहा है, ऐसे समय में कर्नाटक ने बहुत बड़ा फैसला दे दिया है।

आज वहां उपचुनाव के जो नतीजे आए हैं, वो झारखंड सहित पूरे देश के लिए एक संदेश है: पीएम श्री @narendramodi #ModiParVishwasHai pic.twitter.com/18NtQPzRqP

— BJP (@BJP4India) December 9, 2019

ପ୍ରଧାନମନ୍ତ୍ରୀ ମୋଦୀ କହିଛନ୍ତି, ପଛପଟ କବାଟ ଦେଇ ଚୋରିଚାରି କରି ସରକାର ଗଢୁଥିବା କଂଗ୍ରେସ ଦଳକୁ କର୍ଣ୍ଣାଟକରେ ଜନସାଧାରଣ ଉଚିତ ଜବାବ ଦେଇଛନ୍ତି ।

ଅପରପକ୍ଷରେ କଂଗ୍ରେସ ପକ୍ଷରୁ ରାହୁଲ ମଧ୍ୟ ମୋଦୀ ସରକାରକୁ ଛାଡ଼ି ନାହାନ୍ତି । ସେ ତାଙ୍କ ଭାଷଣରେ କହିଛନ୍ତି ଯେ, ଦେଶରେ କେବଳ ୧୫ଜଣ ପୁଞ୍ଜିପତିଙ୍କ ଲାଗି କେବଳ କେନ୍ଦ୍ରରେ ସରକାର ଚାଲୁଛି । ଯେଉଁଠି ଦେଖ ମୋଦୀ ହି ମୋଦୀ ।

ଏଠାରେ ଉଲ୍ଲେଖଯୋଗ୍ୟ, ମଙ୍ଗଳବାର ସନ୍ଧ୍ୟା ପର୍ଯ୍ୟନ୍ତ ତୃତୀୟ ପର୍ଯ୍ୟାୟ ନିର୍ବାଚନ ଲାଗି ପ୍ରଚାର ଜାରି ରହିବ । ଏହାପରେ ପ୍ରଚାର କାର୍ଯ୍ୟ ସବୁଦଳ ଗୁଡ଼ିକ ପକ୍ଷରୁ ବନ୍ଦ ରହିବ । ଆଜି ମଙ୍ଗଳବାର ଦିନ ମଧ୍ୟ କଂଗ୍ରେସ, ବିଜେପି ଓ ଜେଏମଏମ ପକ୍ଷରୁ ଜୋରଦାର୍ ନିର୍ବାଚନୀ ସଭା ଅନୁଷ୍ଠିତ ହେଉଛି ।

ଡ଼ିସେମ୍ବର ୧୨ ତାରିଖରେ ତୃତୀୟ ପର୍ଯ୍ୟାୟ ନିର୍ବାଚନରେ ସମୁଦାୟ ୧୭ଟି ବିଧାନସଭା ଆସନ ଲାଗି ଭୋଟଗ୍ରହଣ ହେବ । ନଭେମ୍ବର ୩୦ରେ ୧୩ଟି ଏବଂ ଡ଼ିସେମ୍ବର ୭ ତାରିଖରେ ୨୦ଟି ଆସନରେ ଯଥାକ୍ରମେ ୧ମ ପର୍ଯ୍ୟାୟ ଓ ୨ୟ ପର୍ଯ୍ୟାୟ ମତଦାନ ହୋଇସାରିଛି ।