ରାଞ୍ଚି: ଝାଡଖଣ୍ଡର ରାଜନୀତିରେ ଆଜି ଏକ ବଡ ଦିନ । ବିଧାନସଭାରେ ଚମ୍ପେଇ ସୋରେନ ସରକାର ଫ୍ଲୋର ଟେଷ୍ଟର ସମ୍ମୁଖୀନ ହେବେ । ଏହା ସହିତ ନୂତନ ସରକାରଙ୍କ ଭବିଷ୍ୟତ ମଧ୍ୟ ସ୍ଥିର ହେବ । ଏହାପୂର୍ବରୁ ଜାନୁଆରୀ ୩୧ ରେ ହେମନ୍ତ ସୋରେନ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଇଥିଲେ, ଏହା ପରେ ଚମ୍ପେଇ ସୋରେନଙ୍କୁ ମୁଖ୍ୟମନ୍ତ୍ରୀ କରିବା ପାଇଁ ବିଧାନସଭା ପାର୍ଟି ବୈଠକରେ ନିଷ୍ପତ୍ତି ନିଆଯାଇଥିଲା । ଫେବୃଆରୀ ୨ ରେ ଚମ୍ପେଇ ସୋରେନ୍ ମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିଥିଲେ । ଏପଟେ ଆଜି ଚମ୍ପେଇ ସୋରେନ ସରକାର ବହୁମତ ସାବ୍ୟସ୍ତ କରିବ।
ସୂଚନାଯୋଗ୍ୟ ଯେ, ବର୍ତ୍ତମାନ ଝାଡଖଣ୍ଡରେ ମହାଗଠବନ୍ଧନ ସରକାର ଅଛି, ଯେଉଁଥିରେ ଜେଏମଏମରୁ ୨୯ ଜଣ ବିଧାୟକ, କଂଗ୍ରେସରୁ ୧୭ ଜଣ, ଆରଜେଡିରୁ ଜଣେ ଏବଂ ସିପିଆଇ (ଏମଏଲ) ରୁ ଜଣେ ଅଛନ୍ତି ଲେଖାଏଁ ସଦସ୍ୟ ଅଛନ୍ତି । ସେମାନଙ୍କର ମୋଟ ସଂଖ୍ୟା ହେଉଛି ୪୮ । ଏଥିମଧ୍ୟରୁ ସରକାର ଗଠନ ପାଇଁ ୪୧ ଜଣ ବିଧାୟକଙ୍କ ସମର୍ଥନ ନିହାତି ଆବଶ୍ୟକ । ଏହାରି ଭିତରେ କୁହାଯାଉଛି ଯେ, ଏମାନଙ୍କ ମଧ୍ୟରୁ କିଛି ବିଧାୟକ ଚମ୍ପେଇ ସୋରେନଙ୍କ ସପକ୍ଷରେ ନାହାନ୍ତି । ରବିବାର ଦିନ ଜେଏମଏମ ଏବଂ କଂଗ୍ରେସ ବିଧାୟକମାନଙ୍କୁ ହାଇଦ୍ରାବାଦରୁ ରାଞ୍ଚିକୁ ଅଣାଯାଇଥିଲା । ମୁଖ୍ୟମନ୍ତ୍ରୀ ଚମ୍ପେଇ ସୋରେନଙ୍କ ଶପଥ ପରେ ଏହି ବିଧାୟକମାନଙ୍କୁ ସ୍ଥାନାନ୍ତର କରାଯାଇଥିଲା । ଜେଏମଏମ ଏବଂ କଂଗ୍ରେସ ଦାବି କରିଛନ୍ତି ଯେ ବିରୋଧୀ ଦଳ ବିଜେପି ଘୋଡା କାରବାର କରିବାକୁ ଚେଷ୍ଟା କରୁଛି।
ଗତ ଶନିବାର ରାଞ୍ଚିର ଏକ ସ୍ୱତନ୍ତ୍ର ଅଦାଲତ ପୂର୍ବତନ ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନଙ୍କୁ ଫେବୃଆରୀ ୫ରେ ରାଜ୍ୟସଭାରେ ଟ୍ରଷ୍ଟ ଭୋଟ୍ରେ ଭାଗ ନେବାକୁ ଅନୁମତି ଦେଇଛନ୍ତି । ଜମି ଦୁର୍ନୀତି ସହ ଜଡିତ ଅର୍ଥ ହେରଫେର ମାମଲାରେ ଦୀର୍ଘ ଦିନ ଧରି ପଚରାଉଚରା ପରେ ହେମନ୍ତ ସୋରେନଙ୍କୁ ଜାନୁଆରୀ ୩୧ ରେ ଗିରଫ କରାଯାଇଥିଲା । ଏହିପୂର୍ବରୁ ଇଡି ହେପାଜତରେ ଥିବାବେଳେ ସୋରେନ ରାଜ ଭବନ ଯାଇ ରାଜ୍ୟପାଳଙ୍କ ଇସ୍ତଫା ପତ୍ର ଦାଖଲ କରିଥିଲେ।
Comments are closed.