ଭୁବନେଶ୍ଵର: ଆମ ଶରୀର ପାଇଁ ଜୁସ୍ ଏକ ଲାଭଦାୟକ ଜିନିଷ । ଏହାକୁ ପିଇବା ଦ୍ୱାରା ସ୍ୱାସ୍ଥ୍ୟକୁ ଆଶ୍ଚର୍ଯ୍ୟଜନକ ଲାଭ ମିଳିଥାଏ । ଶରୀରକୁ କୁ ସମ୍ପୂର୍ଣ୍ଣ ଫିଟ୍ ରଖିବା ପାଇଁ, ଆମକୁ ପ୍ରତିଦିନ ଜୁସ୍ ପିଇବା ନିହାତି ଆବଶ୍ୟକ । ଅନେକ ଲୋକଙ୍କୁ ମୌସମ୍ବି ଜୁସ୍ ପିଇବାକୁ ବହୁତ ଭଲ ଲାଗେ । ମୌସମ୍ବି ରସରେ ଭିଟାମିନ୍ ସି ପ୍ରଚୁର ପରିମାଣରେ ମିଳିଥାଏ | ଶୀତଦିନେ ଏହାର ଚାହିଦା ବହୁତ ଅଧିକ | ତେବେ ଆସନ୍ତୁ ଜାଣିବା ମୌସମ୍ବି ଜୁସର ସ୍ଵାସ୍ଥ୍ୟଗତ ଫାଇଦା ବିଷୟରେ…
ମୌସମ୍ବିରେ ପ୍ରଚୁର ପରିମାଣର ଭିଟାମିନ୍ ବି୬, ଫାଇବର, ଆଇରନ୍, କ୍ୟାଲସିୟମ୍, ପୋଟାସିୟମ୍ ମିଳିଥାଏ | ସବୁ ଋତୁରେ ଆପଣ ଏହାକୁ ଖାଇପାରିବେ | ରୋଗ ପ୍ରତିରୋଧକ ଶକ୍ତି ବଢାଇବାରେ ଏହା ବହୁତ ସାହାଯ୍ୟକାରୀ । ଶୀତଦିନେ ମୌସମ୍ବି ଜୁସ୍ ପିଇବା ଦ୍ଵାରା ହାର୍ଟ ଜନିତ ସମସ୍ୟାରୁ ମୁକ୍ତି ମିଳିଥାଏ । ଏବଂ ଆପଣଙ୍କ ହୃଦୟ ସର୍ବଦା ସୁସ୍ଥ ରହିଥାଏ | ସେହିପରି ଶୀତଦିନେ, ମୌସମ୍ବି ଜୁସ୍ ଆପଣଙ୍କ ଓଜନ ହ୍ରାସ କରିବାରେ ବହୁତ ସହାୟକ ହୋଇଥାଏ | ଏଥିରେ ଥିବା କ୍ୟାଲୋରୀ ପରିମାଣ ବହୁତ କମ୍ ଅଟେ | ମୌସମ୍ବି ଜୁସ୍ ଆଖି ପାଇଁ ଅତ୍ୟନ୍ତ ଲାଭଦାୟକ | ଏଥିରେ ଭିଟାମିନ୍ ସି ଏବଂ ଆଣ୍ଟିଅକ୍ସିଡାଣ୍ଟ ବହୁତ ପରିମାଣରେ ମିଳିଥାଏ ଯାହା ଆପଣଙ୍କ ଦୃଷ୍ଟି ଶକ୍ତିରେ ବଢାଇବାରେ ସାହାର୍ଯ୍ୟ କରିଥାଏ । ପ୍ରତିଦିନ ମୌସମ୍ବି ଜୁସ୍ ପିଇବା ଦ୍ୱାରା ଆପଣଙ୍କ ହଜମ ପ୍ରକ୍ରିୟା ଶକ୍ତିଶାଳୀ ହୋଇଥାଏ | ମୌସମ୍ବିରେ ପ୍ରଚୁର ପରିମାଣର ଫାଇବର ଥାଏ, ଯାହା ଆପଣଙ୍କ ପେଟ ସମସ୍ୟାକୁ ଦୂର କରିଥାଏ ।