ପାଟନା: ଭାରତୀୟ ରାଜନୀତିର ସବୁ କଳା କୌଶଳ ବିହାରରୁ ଆସିଛି କହିଲେ ଭୁଲ ହେବ ନାହିଁ । ଏବେ ନିର୍ବାଚନ ଜୋରସୋର ମଧ୍ୟରେ ରାମବିଲାସ ପାସୱାନଙ୍କ ଅକାଳ ମୃତ୍ୟୁ ନେଇ ପ୍ରଶ୍ନ ଉଠାଇଛନ୍ତି ଜିତନ ରାମ ମାଞ୍ଝୀଙ୍କ ହିନ୍ଦୁସ୍ତାନ ଓବାମ ମୋର୍ଚାର ପ୍ରାର୍ଥୀ ଦାନିଶ ରିଜୱାନ । ସେ ଏହାର ନ୍ୟାୟିକ ତଦନ୍ତ କରିବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ପତ୍ର ମଧ୍ୟ ଲେଖିଛନ୍ତି ।
ଲୋକ ଜନଶକ୍ତି ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ଚିରାଗ ପାସୱାନଙ୍କ ଭୂମିକା ନେଇ ସେ ସନ୍ଦେହ ବ୍ୟକ୍ତ କରିଛନ୍ତି । ସାରା ଦେଶ ଦୁଃଖରେ ଥିବା ବେଳେ ସେ କିନ୍ତୁ ପିତାଙ୍କ ମୃତ୍ୟୁର ଦ୍ୱିତୀୟ ଦିନ ହସି ହସି ସାକ୍ଷାତକାର ଦେଉଥିଲେ । କେନ୍ଦ୍ରୀୟ ମନ୍ତ୍ରୀ ଡାକ୍ତରଖାନାରେ ପଡିଥିବା ବେଳେ କୌଣସି ମେଡିକାଲ ବୁଲେଟିନ୍ ଜାରି କରାଯାଇ ନ ଥିଲା । କେବଳ ୩ଜଣ ଲୋକ ଯିବା ଆସିବା କରୁଥିଲେ, ଯାହା କି ମନରେ ସନ୍ଦେହ ସୃଷ୍ଟି କରୁଛି ବୋଲି ସେ କହିଛନ୍ତି । ପ୍ରଧାନମନ୍ତ୍ରୀ ଏହାର ତଦନ୍ତ ନିର୍ଦ୍ଦେଶ ଦେଲେ ସବୁ କିଛି ସମ୍ମୁଖକୁ ଆସିଯିବ ବୋଲି ରିଜୱାନ କହିଛନ୍ତି ।
Comments are closed.