ନବରାତ୍ରୀ ଶୁଭେଚ୍ଛା ଜଣାଇଲେ ଜୋ ବିଡେନ୍‌

ୱାଶିଂଟନ: ଭାରତୀୟଙ୍କୁ ନବରାତ୍ରୀ ଶୁଭେଚ୍ଛା ଜଣାଇଲେ ଆମେରିକା ରାଷ୍ଟ୍ରପତି ପ୍ରାର୍ଥୀ ଜୋ ବିଡେନ୍ । ଏଥିସହ ଉପରାଷ୍ଟ୍ରପତି ପ୍ରାର୍ଥୀ ଭାରତୀୟ କମଲା ହାରିସ ମଧ୍ୟ ଭାରତୀୟ ଆମେରିକୀୟମାନଙ୍କୁ ନବରାତ୍ରୀ ଶୁଭେଚ୍ଛା ଜଣାଇଛନ୍ତି ।

ଆମେରିକାରେ ଥିବା ହିନ୍ଦୁ ଭାରତୀୟମାନଙ୍କୁ ଟ୍ୱିଟ ମାଧ୍ୟମରେ ଜୋ ବିଡେନ କହିଛନ୍ତି ‘ ମୁଁ ଆମେରିକାରେ ଏବଂ ବିଶ୍ୱରେ ନବରାତ୍ରି ଉତ୍ସବ ପାଳନ କରୁଥିବା ସମସ୍ତ ହିନ୍ଦୁଙ୍କୁ ନବରାତ୍ରି ପାଇଁ ମୋର ଶୁଭେଚ୍ଛା ଜଣାଉଛି ।

As the Hindu festival of Navratri begins, Jill and I send our best wishes to all those celebrating in the U.S. and around the world. May good once again triumph over evil — and usher in new beginnings and opportunity for all.

— Joe Biden (@JoeBiden) October 17, 2020

ଏଥି ସହିତ କହିଛନ୍ତି, ଭଲ ପୁଣି ଥରେ ମନ୍ଦକୁ ପରାସ୍ତ କରିପାରେ ଏବଂ ସମସ୍ତଙ୍କ ପାଇଁ ଏକ ନୂତନ ଆରମ୍ଭ ଓ ସୁଯୋଗ ଦେଇପାରେ । ଏହା ସହିତ ଆମେରିକୀୟ ଡେମୋକ୍ରାଟିକ୍ ଉପରାଷ୍ଟ୍ରପତି ପ୍ରାର୍ଥୀ କମଲା ହାରିସ୍ ମଧ୍ୟ ଟ୍ୱିଟ୍ କରି କହିଛନ୍ତି ଯେ ଆମର ହିନ୍ଦୁ ଆମେରିକୀୟ ବନ୍ଧୁ ଏବଂ ପରିବାରବର୍ଗଙ୍କୁ ଅଭିନନ୍ଦନ। ସୂଚନା ଥାଉ କି ନଭେମ୍ବର ୩ ରେ ଆମେରିକାରେ ରାଷ୍ଟ୍ରପତି ନିର୍ବାଚନ ଅନୁଷ୍ଠିତ ହେବ।