ମୁମ୍ବାଇ: ଆସୁଛି ‘ସତ୍ୟମେବ ଜୟତେ-୨’ । ୨୦୧୮ର ଆକ୍ସନ ଡ୍ରାମ ଫିଲ୍ମ ‘ସତ୍ୟମେବ ଜୟତେ’ ହିଟ୍ ହେବା ପରେ ଏବେ ଏହାର ସିକ୍ୱେଲ ପାର୍ଟ ଆସୁଛି । ଏନେଇ ଫିଲ୍ମର ମେକର୍ସମାନେ ଘୋଷଣା କରିଛନ୍ତି । ଏଥିସହ ଫିଲ୍ମର ଫାଷ୍ଟଲୁକ୍ ମଧ୍ୟ ସାମ୍ନାକୁ ଆସିଛି । ଏଥିରେ ଅଭିନେତା ଜନ୍ ଅବ୍ରାହମଙ୍କ ଦମାଦାର ଲୁକ୍ ଦେଖିବାକୁ ମିଳିଛି । କେବଳ ସେତିକି ନୁହେଁ ପୋଷ୍ଟରରେ ଫିଲ୍ମର ରିଲିଜ ଡେଟ୍କୁ ମଧ୍ୟ ଘୋଷଣା କରାଯାଇଛି । ଏହି ଫାଷ୍ଟଲୁକ୍କୁ ଜନ୍ ନିଜେ ତାଙ୍କ ଇଂଷ୍ଟାଗ୍ରାମ ହ୍ୟାଣ୍ଡେଲରେ ସେୟାର କରିଛନ୍ତି । ପୋଷ୍ଟରକୁ ସେୟାର କରି ସେ ଏକ ଦମଦାର ଡାଏଲଗ ମଧ୍ୟ ଲେଖିଛନ୍ତି ।
ମିଲାପ ଜାଭେରୀଙ୍କ ନିର୍ଦ୍ଦେଶନାରେ ତିଆରି ଏହି ଫିଲ୍ମଟି ଆସନ୍ତା ବର୍ଷ ରିଲିଜ ହେବ । ଲକଡାଉନ୍ ଯୋଗୁଁ ଫିଲ୍ମର ସୁଟିଂ ଅଟକି ଥିଲା । ଆସନ୍ତା ମାସଠାରୁ ଫିଲ୍ମର ସୁଟିଂ ଆରମ୍ଭ ହେବ । ଏହି ଫିଲ୍ମର ଲିଡ୍ ରୋଲ୍ରେ ଜନ୍ ଅବ୍ରାହମଙ୍କ ସହ ଦିବ୍ୟା ଖୋସଲା କୁମାର ନଜର ଆସିବେ । ଶୁଣିବାକୁ ମିଳୁଛି ଯେ, ଇଦ୍ ଅବସରରେ ବଡ ପରଦାରେ ଫିଲ୍ମଟି ରିଲିଜ ହେବ ।
Comments are closed.