ଭୁବନେଶ୍ୱର: ଓମାନର ମସ୍କାଟରେ ଡିସେମ୍ବର ୭ରୁ ୧୫ ପର୍ଯ୍ୟନ୍ତ ମହିଳା ଜୁନିୟର ଏସିଆ କପ ହକି ଆୟୋଜିତ ହେବ । ଏଥିପାଇଁ ଜ୍ୟୋତି ସିଂଙ୍କ ନେତୃତ୍ୱରେ ଭାରତୀୟ ଦଳର ଘୋଷଣା କରାଯାଇଛି । ଏହି ଦଳରେ ଓଡିଶାର ୩ଜଣ ଖେଳାଳିଙ୍କୁ ସୁଯୋଗ ମିଳିଛି । ସେମାନେ ହେଲେ ସୁନେଲିତା ଟପ୍ପୋ, ମମତା ଓରାମ ଓ ପୂଜା ସାହୁ । ଏହି ଟୁର୍ଣ୍ଣାମେଂଟରେ ଭଲ ପ୍ରଦର୍ଶନ କଲେ ଦଳ ଏଫଆଇଏଚ ହକି ଜୁନିୟର ବିଶ୍ୱକପ ପାଇଁ ଯୋଗ୍ୟତା ହାସଲ କରିପାରିବ । ପୁଲ ଏରେ ଭାରତ ସହ ଚୀନ, ମାଲେସିଆ, ଥାଇଲାଣ୍ଡ, ବାଂଲାଦେଶ ରହିଥିବା ବେଳେ ପୁଲ ବିରେ ଦକ୍ଷିଣ କୋରିଆ, ଜାପାନ, ଚାଇନିଜ ତାଇପେ, ହଂକଂ ଓ ଶ୍ରୀଲଙ୍କା ରହିଛନ୍ତି ।
ଭାରତୀୟ ଦଳ: ନିଧୀ,ଅଦିତି ମାହେଶ୍ୱରୀ, ମନୀଷା, ଜ୍ୟୋତି ସିଂ, ଲାଲଥାଂଟୁଲୁଆଙ୍ଗି, ପୂଜା ସାହୁ, ମମତା ଓରାମ, ବୈଷ୍ଣବୀ ଭିଠଲ ଫାଲକେ, ସୁନେଲିତା ଟପ୍ପୋ, ଈଶିକା, ରଜନୀ କେରକେଟା, ସାକ୍ଷୀ ରାଣା, ଖାଦିମ ଶିଲେଇମା ଚାନୁ, ଦୀପିକା, ବିଉଟି ଡୁଙ୍ଗଡୁଙ୍ଗ, କନିକା ସିୱାଚ, ମମତାଜ ଖାଁ ଓ ଲାଲରିନପୁଇ । ଅତିରିକ୍ତ ଖେଳାଳି ଭାବେ ବିନିମା ଧନ, ହିମାଂଶୀ ଶରଦ ଗାୱେଣ୍ଡେଙ୍କୁ ଦଳରେ ରଖାଯାଇଛି ।