ମୁମ୍ବାଇ: ବଲିଉଡ କୁଇନ ଆଖ୍ୟା ପାଇଥିବା କଙ୍ଗନା ରାନାୱତ ଆରମ୍ଭରୁ ତାଙ୍କ ବିବାଦୀୟ ପ୍ରେମ କାହାଣୀ ନେଇ ସର୍ବଦା ଚର୍ଚ୍ଚାରେ ରହି ଆସିଛନ୍ତି । ପୂର୍ବତନ ବୟଫ୍ରେଣ୍ଡ ହ୍ରିତିକ ରୋଶନ ଏବଂ ତାଙ୍କ ପ୍ରେମ କାହାଣୀ ବିବାଦୀୟ ହେବା ପରେ ଏବେ ଏହା ମୁମ୍ବାଇ କ୍ରାଇମ ବ୍ରାଂଚକୁ ହସ୍ତାନ୍ତର ହୋଇଛି । ରିପୋର୍ଟ ମୁତାବକ ସୁଜୈନଙ୍କ ସହ ବିବାହ ବିଚ୍ଛେଦ ଘଟିବା ପରେ କଙ୍ଗନା ଓ ହ୍ରିତିକ ମଧ୍ୟରେ ନିର୍ବନ୍ଧ ମଧ୍ୟ ହୋଇଯାଇଥିଲା । ପରେ ସେମାନଙ୍କ ବ୍ରେକଅପ ହୋଇ ଯାଇଥିଲା । କ୍ୟାରିୟର ଆରମ୍ଭରେ କଙ୍ଗନା ଏବଂ ଆଦିତ୍ୟ ପାଂଚୋଲି ସମ୍ପର୍କ ଆଲୋଚନାର ବିଷୟ ସାଜିଥିଲା । ଆଦିତ୍ୟ ତାଙ୍କୁ ମାରପିଟ କରିବା ସହ ଶାରୀରିକ ଶୋଷଣ କରୁଛନ୍ତି ବୋଲି କଙ୍ଗନା ଅଭିଯୋଗ ଆଣିଥିଲେ ।
ଏହା ପରେ ଶେଖର ସୁମନଙ୍କ ପୁତ୍ର ଅଧ୍ୟୟନ ସୁମନଙ୍କ ସହ ତାଙ୍କ ପ୍ରେମ କାହାଣୀ ଗଢ଼ି ଉଠିଥିଲା । ରାଜ-୨ରୁ ଏକତ୍ର କାମ କରିବା ବେଳେ ଉଭୟ ନିକଟତର ହୋଇଥିଲେ । ତେବେ ଏହି ସମ୍ପର୍କ ବେଶି ଦିନ ତିଷ୍ଠି ନ ଥିଲା । ସେ କଙ୍ଗନାଙ୍କ ନାମରେ ଅନେକ ଅଭିଯୋଗ ଆଣିବା ପରେ ଦୂରେଇ ଯାଇଥିଲେ । ୱାନ୍ସ ଅପନ ଏ ଟାଇମ ଇନ ମୁମ୍ବାଇ ଫିଲ୍ମରେ ଅଜୟ ଦେବଗାନଙ୍କ ନାମ ମଧ୍ୟ କଙ୍ଗନାଙ୍କ ସହ ଯୋଡାଯାଇଥିଲା । ତେଜ ଓ ରାସକାଲ୍ସ ଫିଲ୍ମରେ କଙ୍ଗନାଙ୍କୁ ନେବା ପାଇଁ ସେ ବାଧ୍ୟ କରାଇଥିଲେ । ଉଭୟ ନିକଟତର ହେବା ଆରମ୍ଭ କରିବା ଖବର କାଜୋଲଙ୍କ କାନରେ ବାଜିଥିଲା । ଅଜୟ ତାଙ୍କ ପାଦ ପଛକୁ ଫେରାଇ ଆଣିଥିଲେ ।
Comments are closed.