ମୁମ୍ବାଇ: ବଲିଉଡର ଲୋକପ୍ରିୟ ଯୋଡି ଭିକ୍କି କୌଶଲ ଓ କ୍ୟାଟ୍ରିନା କୈଫଙ୍କୁ ବାରମ୍ବାର ହତ୍ୟା ଧମକ ଦେଉଥିବା ଅଭିଯୋଗରେ ଜଣେ ଯୁବକଙ୍କୁ ପୋଲିସ ଗିରଫ କରିଛି । ଏହି ଯୁବକର ନାମ ମାନୱିନ୍ଦର ସିଂ । ସେ କ୍ୟାଟ୍ରିନାଙ୍କ ବଡ ପ୍ରଶଂସକ ଅଟନ୍ତି । ଭିକ୍କିଙ୍କ ସହ ବିବାହ ପରେ ସୋସିଆଲ ମିଡିଆରେ ସେ କ୍ୟାଟ୍ରିନାଙ୍କୁ ହଇରାଣ କରୁଥିଲେ । ଭିକ୍କି ଶେଷରେ ଏ ନେଇ ପୋଲିସରେ ଅଭିଯୋଗ କରିଥିଲେ । ଆଇପିସି ଧାରା ୫୦୬-୨ ଓ ୩୫୪-ଡିରେ ମାନୱିନ୍ଦରଙ୍କ ବିରୁଦ୍ଧରେ ମାମଲା ରାଜୁ କରାଯାଇଛି । ମେ ୨୯ରେ ପଞ୍ଜାବର ଲୋକପ୍ରିୟ ଗାୟକ ସିଦ୍ଧୁ ମୁସେୱାଲଙ୍କ ହତ୍ୟା ପରେ ସିନେମା ଜଗତରେ ଭୟର ବାତାବରଣ ଖେଳିଯାଇଛି । ଏହା ପରେ ସଲମାନ ଖାଁଙ୍କ ଧମକ ଆସିବା ପରେ ପୋଲିସ ମଧ୍ୟ ଏହାକୁ ଗୁରୁତର ସହ ବିଚାର କରୁଛି । କ୍ୟାଟ୍ରିନା ଓ ଭିକ୍କି ଗତ ବର୍ଷ ଡିସେମ୍ବର ୯ରେ ଯୋଧପୁରରେ ବିବାହ କରିଥିଲେ ।
