ଥିରୁଅନନ୍ତପୁରମ୍: ୨୯ ଲକ୍ଷ ଟଙ୍କାର ଠକେଇ ମାମଲାରେ ଗିରଫ ହେବେନି ସନ୍ନି ଲିଓନି । ଅଭିନେତ୍ରୀ ସନ୍ନି ଲିଓନିଙ୍କ ଗିରଫଦାରୀ ଉପରେ କେରଳ ହାଇକୋର୍ଟ ରୋକ୍ ଲଗାଇଛନ୍ତି । ସନ୍ନିଙ୍କ ଆଣ୍ଟିସିପାଟୋରୀ ବେଲ୍ ଆବେଦନର ଶୁଣାଣି କରି ଏଭଳି ରାୟ ଦେଇଛନ୍ତି କେରଳ ହାଇକୋର୍ଟ । ୨୯ ଲକ୍ଷ ଟଙ୍କା ଠକେଇ ମାମଲାର ତଦନ୍ତ କେରଳ କ୍ରାଇମବ୍ରାଞ୍ଚ କରୁଛି ।
Kerala High Court restraints Crime Branch from arresting actor Sunny Leone in connection with an alleged financial fraud of Rs 29 lakhs. The order has come after considering the anticipatory bail plea of the actor.
— ANI (@ANI) February 10, 2021
୨ଟି ଇଭେଣ୍ଟରେ ଯୋଗଦେବା ପାଇଁ ସନ୍ନି ଲିଓନି 2୯ ଲକ୍ଷ ଟଙ୍କାର ଅଗ୍ରୀମ ନେଇ ପରେ ଆସିନଥିଲେ । ଏନେଇ କ୍ରାଇମବ୍ରାଞ୍ଚରେ ଅଭିଯୋଗ ପରେ ସନ୍ନି ଲିଓନିଙ୍କୁ ଜେରା କରାଯାଇଥିଲା । ପେରୁମ୍ବାଭୁର ବାସିନ୍ଦା ଆର୍ ସିୟାଜ୍ ଆୟୋଜନ କରିବାକୁ ଥିବା ୨ଟି ଇଭେଣ୍ଟ ପାଇଁ ସନ୍ନି ତାଙ୍କଠାରୁ ୨୯ ଲକ୍ଷ ଟଙ୍କା ଅଗ୍ରୀମ ନେଇଥିଲେ । କିନ୍ତୁ ସେ ଏହାକୁ ପରେ ଖାତିର କରି ନଥିଲେ ।
ସିୟାଜ୍ ଏନେଇ ରାଜ୍ୟ ପୁଲିସ ମୁଖ୍ୟଙ୍କ ନିକଟରେ ଅଭିଯୋଗ ଦାଖଲ କରିଥିଲେ । ଅର୍ଥନୀତିକ ଠକେଇର ତଦନ୍ତ କରୁଥିବା ସଂସ୍ଥା କ୍ରାଇମବ୍ରାଞ୍ଚ ଏନେଇ ସନ୍ନିଙ୍କୁ ଜେରା କରିଥିଲା । ଥିରୁଅନନ୍ତପୁରମର ପୂବାର୍ଠାରେ ସନ୍ନି ଏକ ସିନେମା ଶୁଟିଂ ପାଇଁ ଆସିଥିବା ବେଳେ ସେଠାରେ ତାଙ୍କୁ ଜେରା କରାଯାଇଥିଲା ।