୪୨ ବର୍ଷୀୟ ଚାଷୀଙ୍କ ନିଆରା ଫୁଲକୋବି ଚାଷ; ହଳଦିଆ ଏବଂ ବାଇଗଣି ରଙ୍ଗର ଫୁଲକୋବି ଫଳେଇ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି ଏହି ଯୁବକ
ନୂଆଦିଲ୍ଲୀ: ମହାରାଷ୍ଟ୍ର ନାସିକର ୪୨ ବର୍ଷୀୟ କୃଷକ ଏକ ନୂତନ ପ୍ରକାରର ହାଇବ୍ରିଡ୍ ଫସଲ ଅମଳ କରିଛନ୍ତି। ୧୬ ଲକ୍ଷ ଟଙ୍କା ମୂଲ୍ୟର ଭିନ୍ନ ରଙ୍ଗର ଫୁଲକୋବି ଚାଷ କରିଛନ୍ତି ଏହି ଚାଷୀ।
ପ୍ରାୟ ୭୦ ଦିନ ପୂର୍ବେ ନାସିକର ଏହି ଚାଷୀ ଜଣକ ନୂତନ ବିକଶିତ ମଞ୍ଜି କିଣିଥିଲେ ଯାହା ପଞ୍ଜାବର କର୍ଣ୍ଣଲ ଫାର୍ମରେ ପରୀକ୍ଷା କରାଯାଇଥିଲା। ପୁଣେରେ ସିଞ୍ଜେଣ୍ଟା ଇଣ୍ଡିଆ ଲିମିଟେଡ୍ ଦ୍ୱାରା ଏହି ଅନନ୍ୟ ମଞ୍ଜି ବିକଶିତ ହୋଇଛି। ସେ ଏହି ମଞ୍ଜିଗୁଡିକ ପ୍ରାୟ ୪୦,୦୦୦ ଟଙ୍କାରେ କିଣିଥିଲେ। ନାସିକର ମାଲେଗାଓଁ ତାଲୁକା ଅନ୍ତର୍ଗତ ଦାବାଡି ଗ୍ରାମରେ ଥିବା ମହିନ୍ଦ୍ରା ନିକାମଙ୍କ ପାଞ୍ଚ ଏକର ଚାଷ ଜମିରେ ସ୍ୱତନ୍ତ୍ର ଭାବେ ପ୍ରସ୍ତୁତ ଫୁଲକୋବି ମଞ୍ଜି ବୁଣାଯାଇଥିଲା।
ମହିନ୍ଦ୍ରା ତାଙ୍କ ଫାର୍ମରେ ୨୦,୦୦୦ କିଲୋଗ୍ରାମ ବାଇଗଣୀ ଏବଂ ହଳଦିଆ ଫୁଲକୋବି ଚାଷ ହୋଇଥିବା ଦେଖି ଅତି ଆନନ୍ଦିତ ହୋଇଥିଲେ। ବର୍ତ୍ତମାନ ପର୍ଯ୍ୟନ୍ତ ମହାରାଷ୍ଟ୍ରର ଏକମାତ୍ର କୃଷକ ଯିଏକି ସ୍ୱତନ୍ତ୍ର ପ୍ରକାରର ଫୁଲକୋବି ଚାଷ କରିବାରେ ସଫଳ ହୋଇଛନ୍ତି।
ଏହି ରଙ୍ଗୀନ ଫୁଲକୋବି ବିକ୍ରୟ ପରେ ତାଙ୍କର ଆନୁମାନିକ ରୋଜଗାର ପ୍ରାୟ ୧୬ ଲକ୍ଷ ଟଙ୍କା ଅର୍ଥାତ୍ କିଲୋଗ୍ରାମ ପିଛା ୮୦ ଟଙ୍କା ହେବ ବୋଲି ଆକଳନ କରାଯାଇଛି।
ସିଙ୍ଗେଣ୍ଟା ଇଣ୍ଡିଆ ଲିମିଟେଡ୍ର ପ୍ରତିନିଧିତ୍ୱ କରୁଥିବା ସଂରକ୍ଷିତ ଫସଲ ବିଶେଷଜ୍ଞ ଶିରିଶ ସିନ୍ଦେ କହିଛନ୍ତି ଯେ ରଙ୍ଗୀନ ଫୁଲକୋବି ମଞ୍ଜି ଉଦ୍ଭାବନ ପାଇଁ ବିଭିନ୍ନ ପରୀକ୍ଷଣ କରାଯାଇଛି। ଏହି ପରୀକ୍ଷଣଗୁଡିକ ସ୍ୱିଜରଲ୍ୟାଣ୍ଡ ଏବଂ ଆମେରିକାରେ କରାଯାଇଛି।
ପରେ, ପଞ୍ଜାବର କର୍ଣ୍ଣଲ ପରୀକ୍ଷଣ ଫାର୍ମରେ ଛୋଟ ଫୁଲକୋବି ବିହନ ବହୁଗୁଣିତ ହୋଇଛି। ଥରେ ପରୀକ୍ଷଣଗୁଡିକ ଆବଶ୍ୟକୀୟ ଫଳାଫଳ ପାଇବା ପରେ, ଏହି ହାଇବ୍ରିଡ୍ ମଞ୍ଜି ଦେଶର ଅଳ୍ପ ଚାଷୀଙ୍କୁ ବିକ୍ରି ହେଲା।