ଖୋର୍ଦ୍ଧା: କରୋନା ଖୋର୍ଦ୍ଧା ଜିଲ୍ଲାରେ ନିୟନ୍ତ୍ରଣକୁ କେବେ ଆସିବ ? ବେକାବୁ ମହାମାରୀ ଦିନକୁ ଦିନ କାୟା ବିସ୍ତାର କରି ଚାଲିଛି । ଗତ ୨୪ ଘଣ୍ଟାରେ ଖୋର୍ଦ୍ଧା ଜିଲ୍ଲାରେ ସଂକ୍ରମଣ ସବୁ ରେକର୍ଡକୁ ପାର କରି ଯାଇଛି । ଚିହ୍ନଟ ହୋଇଛନ୍ତି ସର୍ବାଧିକ ୯୦୨ ଆକ୍ରାନ୍ତ । ଯାହାକି ଦିନକରେ ବର୍ତ୍ତମାନ ସୁଦ୍ଧା ସବୁଠୁ ଅଧିକ ।
ଗଞ୍ଜାମକୁ ପଛରେ ଛାଡିଲା ଖୋର୍ଦ୍ଧା
ଗୋଟିଏ ଦିନର ସଂକ୍ରମଣରେ ଗଞ୍ଜାମକୁ ବି ଟପିଗଲା । ଗଞ୍ଜାମ ଜିଲ୍ଲାରେ ଦିନକରେ ସର୍ବାଧିକ ୭୩୨ ଆକ୍ରାନ୍ତ ଚିହ୍ନଟ ହୋଇଥିଲେ। କିନ୍ତୁ ଖୋର୍ଦ୍ଧାରେ ଏହି ସଂଖ୍ୟା ଥିଲା ୮୭୮ । ଆଜି ସବୁ ରେକର୍ଡକୁ ପାର କରିଛି ଜିଲ୍ଲାରେ ସଂକ୍ରମଣ ।
ସଂକ୍ରମଣ ଓ ଆକ୍ଟିଭ କେସରେ ଏକ ନମ୍ବର
ରାଜ୍ୟରେ କରୋନା ସଂକ୍ରମିତ ଜିଲ୍ଲାର ଏକ ନମ୍ୱର ସ୍ଥାନରେ ରହିଛି ଖୋର୍ଦ୍ଧା । ଜିଲ୍ଲାରେ ସଂକ୍ରମଣ ସହ ଅଧିକ ରହିଛି ଆକ୍ଟିଭ୍ କେସ । ମୋଟ୍ ୩୫ ହଜାର ୮୦ ପଜିଟିଭ୍ କେସ୍ ରହିଛି । ଚିକିତ୍ସାଧୀନ ଅଛନ୍ତି ୬ ହଜାର ୬୮୭ ଆକ୍ରାନ୍ତ । ଖୋର୍ଦ୍ଧା ଜିଲ୍ଲାରେ କରୋନା ନେଇଛି ୧୨୩ ଜୀବନ ।
Comments are closed.