ମୁମ୍ବାଇ: ସମସ୍ତଙ୍କ ନଜର ଏବେ ଶାହାରୁଖ ଖାନଙ୍କ ଅପକମିଙ୍ଗ ଫିଲ୍ମ ‘ଡଙ୍କି’ ଉପରେ । କାରଣ ଚଳିତବର୍ଷ କିଙ୍ଗ ଖାନ୍ ଙ୍କ ପ୍ରଥମ ଦୁଇଟି ଫିଲ୍ମ ବ୍ଲକବଷ୍ଟର ହୋଇଥିଲା । ଶାହାରୁଖ ଙ୍କ ଅଭିନୀତ ‘ପଠାନ’ ଚଳିତବର୍ଷ ଆରମ୍ଭରେ ରିଲିଜ ହୋଇଥିଲା ଯାହା ବେଶ ଲୋକପ୍ରିୟତା ହାସିଲ କରିଥିଲା । ଫିଲ୍ମରେ କିଙ୍ଗ୍ ଖାନଙ୍କ ଦମଦାର ଆକ୍ଟିଙ୍ଗ ଦର୍ଶକଙ୍କ ମନକୁ ବେଶ୍ ଛୁଇଁ ଥିଲା । ଏହା ପରେ ରିଲିଜ ହୋଇଥିଲା ‘ଜବାନ୍’ । ଫିଲ୍ମ ଟିର ଷ୍ଟୋରୀ ଯେତିକି ସୁନ୍ଦର ହୋଇଥିଲା ତା ସହ ସାହାରୁଖ ଖାନଙ୍କ ଆକ୍ସନ ସମସ୍ତଙ୍କ ମନ କିଣିଥିଲା । ଯାହାକୁ ନେଇ ଫିଲ୍ମଟି ବକ୍ସ ଅଫିସରେ ଧୁମ୍ ମଚାଇଥିଲା । ତେଣୁ ଡଙ୍କି ସାହାରୁଖ ଖାନ୍ ଙ୍କ ଚଳିତ ବର୍ଷର ଶେଷ ଫିଲ୍ମ ହୋଇଥିବାବେଳେ, ଫିଲ୍ମକୁ ନେଇ ବହୁତ ଏକ୍ସଟାଇଟେଡ ଅଛନ୍ତି ଫ୍ୟାନ୍ସ । କାରଣ ଫିଲ୍ମର ନିର୍ଦ୍ଦେଶନା ଦେଇଛନ୍ତି ରାଜକୁମାର ହିରାନୀ ।
ଯାହାକୁ ନେଇ ଫିଲ୍ମ ‘ଡଙ୍କି’ ରିଲିଜ ହେବାର କିଛି ଦିନ ପୂର୍ବରୁ ଶାହାରୁଖ ଖାନ ଆଶୀର୍ବାଦ ଲାଭକରିବାକୁ ମାତା ବୈଷ୍ଣୋ ଦେବୀଙ୍କ ଦରବାରରେ ପହଞ୍ଚିଛନ୍ତି । ଯାହାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ଏହା ପୂର୍ବରୁ ଶାହାରୁଖ ଖାନ୍ ଚଳିତବର୍ଷ ଦୁଇ ଥର ମାଆ ବୈଷ୍ଣୋ ଦେବୀଙ୍କୁ ଦର୍ଶନ କରିଥିଲେ । ତେବେ ଏହି ବର୍ଷ ଶାହାରୁଖ ଖାନ ତୃତୀୟ ଥର ପାଇଁ ମା ବୈଷ୍ଣୋ ଦେବୀଙ୍କ ଦରାବରରେ ପହଞ୍ଚିଛନ୍ତି ।
ଭିଡିଓରେ ଦେଖିବାକୁ ମିଳିଛି ଯେ, ଶାହାରୁଖ ଙ୍କ ସହ ତାଙ୍କ ମ୍ୟାନେଜର ପୂଜା ଦାଦଲାନୀ ଉପସ୍ଥିତ ଅଛନ୍ତି । କଡା ସୁରକ୍ଷା ମଧ୍ୟରେ ଶାହାରୁଖ ଖାନଙ୍କ ଚାରିପାଖରେ ସୁରକ୍ଷାକର୍ମୀ ରହିଛନ୍ତି । ଭିଡିଓରେ, ସମସ୍ତେ ଏକାଠି ମାଆଙ୍କ ମନ୍ଦିର ଆଡକୁ ଯାଉଥିବାର ନଜର ଆସିଛନ୍ତି ।
ଶାହାରୁଖ ଫିଲ୍ମ ‘ପଠାନ’ ରିଲିଜ ହେବା ପୂର୍ବରୁ ଏବଂ ଦ୍ୱିତୀୟ ଥର ପାଇଁ ‘ଜୱାନ’ ଫିଲ୍ମ ରିଲିଜ ପୂର୍ବରୁ ସେ ମାତା ଙ୍କ ଦର୍ଶନ କରି ଆଶୀର୍ବାଦ ନେଇଥିଲେ । ଏହି ପରମ୍ପରାକୁ ଆଗକୁ ନେଇ କିଙ୍ଗ ଖାନ୍ ପୁଣିଥରେ ଚଳିତ ବର୍ଷର ତୃତୀୟ ଫିଲ୍ମ ‘ଡଙ୍କି’ ରିଲିଜ୍ ପୂର୍ବରୁ ଆଶୀର୍ବାଦ ପାଇଁ ମାତା ବୈଷ୍ଣୋ ଦେବୀଙ୍କ ନିକଟରେ ପହଞ୍ଚିଥିଲେ ।
Comments are closed.