ଭୁବନେଶ୍ୱର: ସମଗ୍ର ବିଶ୍ୱରେ ହିନ୍ଦୁମାନେ ଖୋଲା ହୃଦୟରେ ଦେବାଦେବୀ ମନ୍ଦିରକୁ ନଗଦ, ସୁନା, ରୂପା ଆଦି ଦାନ କରିବା ନେଇ ବେଶ୍ ପରିଚିତ। ଆସନ୍ତୁ ଜାଣିବା ଭାରତର କିଛି ଧନୀ ମନ୍ଦିର ସମ୍ପର୍କରେ…
ପଦ୍ମନାଭସ୍ୱାମୀ ମନ୍ଦିର:
ଚଳିତ ବର୍ଷର ତଥ୍ୟ ଅନୁଯାୟୀ ପଦ୍ମନାଭସ୍ୱାମୀ ମନ୍ଦିର ଭାରତର ସବୁଠାରୁ ଧନୀ ମନ୍ଦିର। କେରଳର ଥିରୁବନନ୍ତପୁରମରେ ଅବସ୍ଥିତ ଏହି ମନ୍ଦିର ଅଷ୍ଟମ ଶତାବ୍ଦୀରେ ନିର୍ମିତ ହୋଇଥିଲା । ଏହା ଭାରତର ୧୦୮ ବିଷ୍ଣୁ ମନ୍ଦିର ମଧ୍ୟରୁ ଅନ୍ୟତମ ।ଏହି ମନ୍ଦିରରେ ସୁନା, ମୂଲ୍ୟବାନ ପଥର, ରୂପା, ପ୍ରତିମୂର୍ତ୍ତି ଆଦି ୧୦୦୦୦୦ କୋଟି ମୂଲ୍ୟରୁ ଉର୍ଦ୍ଧ୍ବ ସମ୍ପତ୍ତି ରହିଛି।
ତିରୁପତି ବାଲାଜୀ ମନ୍ଦିର:
ଆନ୍ଧ୍ରପ୍ରଦେଶର ତିରୁପତିଠାରେ ଅବସ୍ଥିତ ଏହି ବାଲାଜି ମନ୍ଦିର। ଗତ ବର୍ଷ ପର୍ଯ୍ୟନ୍ତ ପଦ୍ମନାଭସ୍ୱାମୀ ମନ୍ଦିରର ଭଣ୍ଡାର ଖୋଲା ହେବା ପୂର୍ବରୁ ଏହା ଭାରତର ସବୁଠାରୁ ଧନୀ ମନ୍ଦିର ଭାବରେ ପରିଗଣିତ ହୋଇଥିଲା। ଏହି ମନ୍ଦିରରେ ଭଗବାନ ଭେଙ୍କଟେସ୍ୱର ପୂଜା ପାଉଛନ୍ତି ଯିଏ ଭଗବାନ ବିଷ୍ଣୁଙ୍କ ଅବତାର ଅଟନ୍ତି। ପ୍ରତିବର୍ଷ ଏଠାକୁ କୋଟି କୋଟି ଭକ୍ତ ଆସନ୍ତି | ମନ୍ଦିରକୁ ମିଳୁଥିବା ଦାନର ସହଜ ସଂରକ୍ଷଣ ପାଇଁ ଏହାକୁ ୩୦୦୦ କିଲୋଗ୍ରାମ ସୁନା ଦଣ୍ଡରେ ପରିଣତ କରାଯାଇ ରଖାଯାଏ ।
ମାତା ବୈଷ୍ଣୋ ଦେବୀ ମନ୍ଦିର:
ହିମାଳୟ ପର୍ବତ ଉପରେ ନିର୍ମିତ ଏହା ଭାରତର ତୃତୀୟ ମୂଲ୍ୟବାନ ମନ୍ଦିର । ଏହା ଜାମ୍ମୁକାଶ୍ମୀରରେ ଅବସ୍ଥିତ ।ମନ୍ଦିରର ମୋଟ ମୂଲ୍ୟ ପ୍ରାୟ ୫୦୦ କୋଟି ଟଙ୍କା ହେବ।
ସିଦ୍ଧବିନାୟକ ମନ୍ଦିର:
ଏହା ମହାରାଷ୍ଟ୍ରର ଅନ୍ୟତମ ପ୍ରସିଦ୍ଧ ମନ୍ଦିର । ମୁମ୍ବାଇରେ ଅବସ୍ଥିତ ଏହି ମନ୍ଦିରରେ ଭଗବାନ ଗଣେଶ ପୂଜା ପାଉଛନ୍ତି | ମନ୍ଦିରର ମୁଖ୍ୟ ଦେବତା ୪ କିଲୋଗ୍ରାମ ସୁନାରେ ନିର୍ମିତ । ମନ୍ଦିରର ମୋଟ ମୂଲ୍ୟ ହେଉଛି ୧୨୫କୋଟି ଟଙ୍କା।
ଶିରିଡି ସାଇ ବାବା ମନ୍ଦିର:
ଶ୍ରୀ ଶିରିଡି ସାଇ ବାବାଙ୍କ ସମାଧିରେ ଏହି ମନ୍ଦିର ନିର୍ମାଣ କରାଯାଇଥିଲା। ପ୍ରତିଦିନ ୨୫୦୦୦ ରୁ ଅଧିକ ଭକ୍ତ ଏଠାକୁ ଦର୍ଶନ ପାଇଁ ଆସନ୍ତି । ଏହି ମନ୍ଦିରର ସମ୍ପତ୍ତି ୩୨୦ କୋଟି ଟଙ୍କା ରହିଛି। ଯେଉଁ ସିଂହାସନ ଉପରେ ବାବା ବସିଛନ୍ତି, ତାହା ୯୪ କିଲୋଗ୍ରାମ ସୁନାରେ ନିର୍ମିତ ।
ସ୍ୱର୍ଣ୍ଣ ମନ୍ଦିର:
ମାର୍ବଲରେ ଆବୃତ ସୁନା ଏହି ମନ୍ଦିରକୁ ଏକ ସ୍ୱତନ୍ତ୍ର ରୂପ ଦେଉଛି । ପ୍ରାୟତଃ ଶିଖ ଭକ୍ତମାନଙ୍କ ଦ୍ୱାରା ଏଠାରେ ଦାନ କରାଯାଉଥିବା ବେଳେ ଏହାର ସମ୍ପତ୍ତି କୋଟି କୋଟି ଟଙ୍କାର ରହିଛି ।
ଗୁରୁଭାୟୁର ମନ୍ଦିର:
କେରଳରେ ଅବସ୍ଥିତ ଏହି ମନ୍ଦିର ଭାରତର ଧନୀ ମନ୍ଦିର ମାନଙ୍କ ମଧ୍ୟରୁ ଗୋଟିଏ ଯାହା ଦକ୍ଷିଣ ଅବସ୍ଥିତ। ଏହି ମନ୍ଦିରର ମୋଟ ସମ୍ପତ୍ତି ୨୫୦୦ କୋଟି ଟଙ୍କା ହେବ ବୋଲି ଆକଳନ କରାଯାଇଛି।
ମୀନାକ୍ଷୀ ମନ୍ଦିର:
ମନ୍ଦିର ତାମିଲନାଡୁର ସବୁଠାରୁ ବଡ ମନ୍ଦିର ଭାବେ ବିବେଚନା କରାଯାଉଥିବା ଏହି ମନ୍ଦିରର ମୋଟ ସମ୍ପତ୍ତିର ମୂଲ୍ୟ ୬ କୋଟି ଟଙ୍କା ବୋଲି ଆକଲନ କରାଯାଇଛି। ଏହା ମଦୁରାଇରେ ଅବସ୍ଥିତ ।
ଜଗନ୍ନାଥ ମନ୍ଦିର, ପୁରୀ:
ଏହା ଓଡିଶାର ସବୁଠାରୁ ଅଧିକ ତୀର୍ଥଯାତ୍ରା ଆସୁଥିବା ମନ୍ଦିର ଅଟେ । ଏହାକୁ ଚାରୋଟି ଧାମ ମଧ୍ୟରୁ ଗୋଟିଏ ଭାବରେ ମଧ୍ୟ ବିବେଚନା କରାଯାଏ । ଏହି ମନ୍ଦିରର ସମ୍ପତ୍ତିର ମୂଲ୍ୟ ୧୫୦ କୋଟିରୁ ଅଧିକ ଅଟେ। ପ୍ରତିବର୍ଷ ରଥଯାତ୍ରା ସମୟରେ ଦେବତାମାନଙ୍କୁ ୨୦୯ କିଲୋଗ୍ରାମ ସୁନାରେ ସଜାଯାଇଥାଏ ।
କାଶୀ ବିଶ୍ୱନାଥ ମନ୍ଦିର:
ଭଗବାନ ଶିବଙ୍କ ଜୋତିର୍ଲିଙ୍ଗ ମଧ୍ୟରୁ ଏହି ମନ୍ଦିର ଅନ୍ୟତମ। ଏହାର ମୋଟ ସମ୍ପତ୍ତିର ମୂଲ୍ୟ ୧୦ କୋଟି ହେବ ବୋଲି ଆକଳନ କରାଯାଇଛି। ଏହି ମନ୍ଦିର ଉତ୍ତରପ୍ରଦେଶର ପବିତ୍ର ଗଙ୍ଗା ନଦୀ କୂଳରେ ଅବସ୍ଥିତ ।