ମୁମ୍ବାଇ: ବିବାଦୀୟ କ୍ରିଟିକ୍ସ କମାଲ ଆର ଖାଁଙ୍କ ପଠାନକୁ ନେଇ କରିଥିବା ଭବିଷ୍ୟବାଣୀ ଚର୍ଚ୍ଚାର କାରଣ ସାଜିଛି । ସେ କହିଛନ୍ତି ପଠାନ ଫିଲ୍ମର ନାମ ବଦଳିବ । ଆଉ ମେକର୍ସ ଏହାର ରିଲିଜ ତାରିଖ ଘୁଂଚାଇବା ପାଇଁ ଯୋଜନା କରୁଛନ୍ତି । ସେହିପରି ଫିଲ୍ମରେ ଥିବା ବିବାଦୀୟ ଗୀତ ଭଗବା ମଧ୍ୟ ହଟିବ । ଆଜି କିମ୍ବା କାଲି ଏହାର ନୂତନ ରିଲିଜ ତାରିଖ ଆସିବ । ସେ କହିଛନ୍ତି ମୁଁ ପୂର୍ବରୁ କହିଥିଲି ପଠାନ ଟାଇଟଲ ଦେବା ମସ୍ତବଡ ଭୁଲ । ଶାହାରୁଖ ମୋ କଥା ଶୁଣି ନ ଥିଲେ । ଏବେ ସେୟା କରିବାକୁ ବାଧ୍ୟ ହେଲେ । କେଆରକେ ଭବିଷ୍ୟବାଣୀ କେତେ ସତ୍ୟ ହେଉଛି ତାହା ଜଣାପଡିଯିବ ।
ତେବେ ଏ ନେଇ ତାଙ୍କୁ ଶାହାରୁଖ ପ୍ରଶଂସକମାନେ କଡା ସମାଲୋଚନା କରିବା ଆରମ୍ଭ କରିଦେଇଛନ୍ତି । ପଠାନ ତାର ନିର୍ଦ୍ଧାରିତ ତାରିଖରେ ରିଲିଜ ହେବ ଏବଂ ଏହାର ଟାଇଟଲ ବଦଳିବ ନାହିଁ ବୋଲି ଜଣେ ୟୁଜର୍ସ ଲେଖିଛନ୍ତି । ଫିଲ୍ମ ନେଇ ଆଗୁଆ ଭବିଷ୍ୟବାଣୀ କରିବା ବନ୍ଦ କରନ୍ତୁ ବୋଲି ଆଉ ଜଣେ ଲେଖିଛନ୍ତି ।
Comments are closed.