ମୁମ୍ବାଇ: ଭାରତୀୟ କ୍ରିକେଟର ଲୋକପ୍ରିୟ ଅଲରାଉଣ୍ଡର କୃଣାଳ ପାଣ୍ଡ୍ୟା ବାପା ହେବାର ସୌଭାଗ୍ୟ ଅର୍ଜନ କରିଛନ୍ତି । କୃଣାଳଙ୍କ ପତ୍ନୀ ପଙ୍ଖୁରୀ ଶର୍ମା ଏକ ପୁତ୍ର ସନ୍ତାନର ଜନନୀ ହୋଇଛନ୍ତି । ଟିମ ଇଣ୍ଡିଆରୁ ବାଦ ପଡିଥିବା କୃଣାଳ ଇନଷ୍ଟାଗ୍ରାମରେ ଏହି ସୂଚନା ଦେଇଛନ୍ତି । ସେ ତାଙ୍କ ପତ୍ନୀ ଏବଂ ଶିଶୁ ପୁତ୍ର ସହ ଫଟୋ ମଧ୍ୟ ଶେୟାର କରିଛନ୍ତି । ସେ ଶିଶୁ ପୁତ୍ରକୁ ସ୍ନେହରେ ଚୁମ୍ବନ ଦେଉଥିବା ଫଟୋକୁ ଦର୍ଶକମାନେ ବେଶ ପସନ୍ଦ କରୁଛନ୍ତି । କୃଣାଳ ତାଙ୍କ ପୁତ୍ରର ନାମ କବୀର କୃଣାଳ ପାଣ୍ଡ୍ୟା ରଖିଛନ୍ତି । ୨୦୧୭ରେ କୃଣାଳ ଏବଂ ପଙ୍ଖୁରୀ ବିବାହ ବନ୍ଧନରେ ଆବଦ୍ଧ ହୋଇଥିଲେ । ଏବ କାଂଉଟି କ୍ରିକେଟ ଖେଳି ଫର୍ମକୁ ଫେରିବା ଲକ୍ଷ୍ୟରେ ଏହି ଅଲରାଉଣ୍ଡରଜଣକ ରହିଛନ୍ତି । ଭାରତୀୟ କ୍ରିକେଟର ମହାନ ଖେଳାଳି ସଚିନ ତେନ୍ଦୁଲକରଙ୍କ ସମେତ ଭାଇ ହାର୍ଦ୍ଦିକ ପାଣ୍ଡ୍ୟା, କେଏଲ ରାହୁଲ ଏବଂ ଅନ୍ୟମାନେ ଅଭିନନ୍ଦନ ଜଣାଇଛନ୍ତି ।