କୁମାର ବିଶ୍ୱାସଙ୍କ ଘରୁ ଫର୍‌ଚ୍ୟୁନର୍ କାର୍ ଚୋରି

ଲକ୍ଷ୍ନୌ: ପ୍ରସିଦ୍ଧ କବି ତଥା ଆମ୍ ଆଦମୀ ପାର୍ଟି ନେତା କୁମ୍ବାର ବିଶ୍ୱାସଙ୍କ ଘରୁ କାର୍ ଚୋରି ହୋଇଯାଇଥିବା ଅଭିଯୋଗ ହୋଇଛି । ଗାଜିଆବାଦର ଇନ୍ଦିରାପୁରମ ସ୍ଥିତ ତାଙ୍କ ବାସଭବନ ସାମ୍ନାରୁ ଫର୍‌ଚ୍ୟୁନର କାର୍‌କୁ କେହି ଚୋରି କରି ନେଇଥିବା ଜଣାପଡିଛି । ଏନେଇ ପୋଲିସ ମାମଲା ରୁଜୁ କରି ଘଟଣାର ତଦନ୍ତ କରିବା ପାଇଁ ଏକ ଟିମ୍ ଗଠନ କରିଛି । ତେବେ କିଏ ଓ କାହିଁକି ତାଙ୍କ କାର୍ ଚୋରି କରିଛି ସେ ନେଇ କୌଣସି ସୂଚନା ମିଳିପାରି ନାହିଁ ।
ସୂଚନା ଯୋଗ୍ୟ ଯେ, କୁମାର ବିଶ୍ୱାସ ଜଣେ କବି ଭାବେ ଜଣାଶୁଣା । ଦେଶ ବିଦେଶର ତାଙ୍କର ବେଶ୍ ପ୍ରସିଦ୍ଧି ରହିଛି । କେବଳ ସେତିକି ନୁହେଁ ସୋସିଆଲ ମିଡିଆରେ ତାଙ୍କ ଫ୍ୟାନ୍‌ଙ୍କ ସଂଖ୍ୟା ମଧ୍ୟ ଢ଼େର୍ ଅଧିକ । ବହୁ ସମୟରେ ସେ କବିତା ମାଧ୍ୟମରେ ବିଭିନ୍ନ ପ୍ରସଙ୍ଗରେ ସରକାରଙ୍କୁ ଘେରି ବିବାଦ ମଧ୍ୟକୁ ଚାଲିଆସନ୍ତି ।