ସମ୍ବଲପୁର : ଏଫ ଏମ କଲେଜ ଘଟଣାର କିଛିଦିନ ନ ଯାଉଣୁ ପୁଣି ଜଣେ ଛାତ୍ରୀଙ୍କ ଉପରେ ହୋଇଛି ନିର୍ଯାତନା । ବିବାହର ପ୍ରତିଶୃତି ଦେଇ ଜଣେ ଅଧ୍ୟାପକ ଛାତ୍ରୀଙ୍କ ସହ ଶାରିରୀକ ସମ୍ପର୍କ ରଖିଥିବା ଅଭିଯୋଗ ହୋଇଛି । ସମ୍ବଲପୁରର ଗଙ୍ଗାଧର ମେହେର ବିଶ୍ୱବିଦ୍ୟାଳୟର ଛାତ୍ରୀଙ୍କୁ ଅଧ୍ୟାପକ ଗୋପୀକାନ୍ତ ସୁନା ପ୍ରେମ ନିବେଦନ କରିଥିଲେ । ଏହାପରେ ବିବାହ ପାଇଁ ଅଧ୍ୟାପକ ପ୍ରସ୍ତାବ ଦେଇଥିଲେ । କିଛିଦିନ ଯିବା ପରେ ସେ ଶାରିରୀକ ସମ୍ପର୍କ ମଧ୍ୟ ରଖିଥିଲେ । ହେଲେ ଶାରିରୀକ ସମ୍ପର୍କ ରଖିବା ପରେ ଆଉ ଛାତ୍ରୀଙ୍କୁ ଧରାଛୁଆଁ ଦେଇନଥିଲେ । ଏ ବାବଦରେ ଛାତ୍ରୀ ଜଣଙ୍କ ଥାନାରେ ଅଭିଯୋଗ କରିବାରୁ ଅଭିଯୁକ୍ତ ଅଧ୍ୟାପକ ଗୋପୀନାଥଙ୍କୁ ମହିଳା ଥାନା ପୋଲିସ ଗିରଫ କରିଛି । ମିଥ୍ୟା କଥା କହି ଛାତ୍ରୀଙ୍କୁ ଅଧ୍ୟାପକ ଫସାଇ ଦେଇଥିଲେ । ଆଉ ପ୍ରତିଦିନ କିଛି ନା କିଛି ବାହାନା କରି ଶାରିରୀକ ସମ୍ପର୍କ ରଖିଥିଲେ । ହେଲେ ବିବାହ କଥା କହିବାରୁ ସେ ଏହାକୁ ଗ୍ରହଣ କରିନଥିଲେ । ତେଣୁ ଛାତ୍ରୀ ଜଣଙ୍କ ଥାନାର ଦ୍ୱାରସ୍ଥ ହୋଇଥିଲେ । ଆଉ ଥାନାରେ ଦ୍ୱାରସ୍ଥ ହେବା ପରେ ମହିଳା ଥାନା ପୋଲିସ ଅଭିଯୁକ୍ତ ଅଧ୍ୟାପକ ଗୋପୀନାଥଙ୍କୁ ଗିରଫ କରିଛି ।
Comments are closed.