ମୟୂରଭଞ୍ଜ: ଶିକାରୀଙ୍କ ଟାର୍ଗେଟରେ ବାଘ । ପୁଣି ବାଘ ଛାଲ ଜବତ ଜବତ କରିଛି ପୋଲିସ । ଏହି ଘଟଣାରେ ୩ ଜଣଙ୍କୁ ଗିରଫ ମଧ୍ୟ କରିଛି । ସେମାନେ ହେଲେ ଭୋଳାଗଡିଆ ଗ୍ରାମର ଚିତ୍ତରଞ୍ଜନ ସାହୁ, ତ୍ରିଲୋଚନ ସାହୁ ଓ ବଣିଆବସା ଗ୍ରାମର ଗେଣ୍ଡୁରୁ ।
ମଙ୍ଗଳବାର ରାତିରେ ଖୁଣ୍ଟା ପୋଲିସ କୌଣସି ସୂତ୍ରରୁ ଖବରପାଇ ସ୍ଥାନୀୟ ବଡ଼ଅଳିଆ ଗ୍ରାମରେ ଚଢ଼ାଉ କରିଥିଲା । ଗ୍ରାମର ଚିତ୍ତରଞ୍ଜନ ସାହୁ ଓ ତ୍ରିଲୋଚନ ସାହୁଙ୍କ ଘରୁ ବାଘ ଛାଲ ଜବତ କରିଥିଲା । ସେମାନେ ଘରେ ଏକ ବାକ୍ସରେ ଏହି ବାଘ ଛାଲକୁ ରଖିଥିଲେ । ଏହି ଘଟଣାରେ ପୋଲିସ ଚିତ୍ତରଞ୍ଜନ ଓ ତ୍ରିଲୋଚନଙ୍କୁ ଗିରଫ କରିଥିଲା । ପରେ ବାଘ ଛାଲ ସେମାନଙ୍କୁ ବିକ୍ରି କରିଥିବା ବେପାରୀ ଗେଣ୍ଡୁରୁଙ୍କୁ ମଧ୍ୟ ଗିରଫ କରିଥିଲା ପୋଲିସ । ସେମାନଙ୍କ ନିକଟରୁ ଏକ ଲକ୍ଷରୁ ଊର୍ଦ୍ଧ ଟଙ୍କା ମଧ୍ୟ ଜବତ କରିଥିଲା । ଜବତ ବାଘଛାଲଟି ଏକ କଲରାପତରିଆ ବାଘର ହୋଇଥିବା ବେଳେ ଏହାର ଲମ୍ବ ୧୬୫ ସେଣ୍ଟିମିଟର । ଏହି ବାଘର ବୟସ ୭ ରୁ ୮ ବର୍ଷ ହେବ ବୋଲି ଅନୁମାନ କରାଯାଉଛି । ଏହି ବାଘ ଛାଲ ଉକ୍ତ ବେପାରୀ ନିକଟକୁ କେମିତି ଆସିଲା ? କିଏ ଆଣି ଦେଇଥିଲା ବା ବେପାରୀ ଜଣକ ନିଜେ ଶିକାର କରି ବାଘଛାଲ ବେପାର ନିମନ୍ତେ ରଖିଥିଲେ ତାହାର ତଦନ୍ତ କରୁଛି ପୋଲିସ ।
Comments are closed.