ଗଛ ଉପରେ ତିଆରି ହୋଇଛି ସୁନ୍ଦର ଲାଇବ୍ରେରୀ । ଆଉ ସେଠାକୁ ପାଠକୀୟ ରୁଚି ରଖୁଥିବା ଲୋକମାନେ ମଧ୍ୟ ପଢିବାକୁ ଆସୁଛନ୍ତି । ଏହା ପଡିଲେ ଯେ କେହି ଆଶ୍ଚର୍ଯ୍ୟ ହୋଇଯିବ ନିଶ୍ଚୟ । ଏମିତି ଏକ ଅଜବ ଲାଇବ୍ରେରୀ ରହିଛି ଆମେରିକାରେ ।
କୌଣସି ଘର ଭିତରେ ନୁହେଁ, ଘର ବାହାରେ ଶୁଖିଲା ଗଛରେ ରହିଛି ଲାଇବ୍ରେରୀ । ମାନେ ଏହି ଲାଇବ୍ରେରୀରେ ସମସ୍ତ ସୁବିଧା ସୁଯୋଗ ଅଛି, ପାଠକ ବି ଅଛନ୍ତି । କିନ୍ତୁ ଗଛରେ ଲାଇବ୍ରେରୀ ତିଆରି ହୋଇଥିବାରୁ ତାହା ଆସିଛି ଚର୍ଚ୍ଚାକୁ । ଆମେରିକାର ଇଡ଼ାହୋ ରାଜ୍ୟରେ ଜଣେ ଆର୍ଟିଷ୍ଟ ଘର ବାହାରେ ଥିବା ଏକ ଶୁଖିଲା ଗଛରେ ଏହି ଛୋଟ ଲାଇବ୍ରେରୀ ନିର୍ମାଣ କରିଛନ୍ତି । ଏହି ଲାଇବ୍ରେରୀରେ ପିଲାଙ୍କ ଲାଗି ରହିଛି ୭୦ରୁ ଊର୍ଦ୍ଧ୍ୱ ପୁସ୍ତକ । ଏହାସହିତ ବିଭିନ୍ନ ପତ୍ରପତ୍ରିକା,ଉପନ୍ୟାସ ସହିତ ପାଠ୍ୟ ପୁସ୍ତକ ମଧ୍ୟ ଉପଲବ୍ଧ । ଏଭଳି କ୍ରିଏଟିଭ୍ ଉଦ୍ୟମ କରିଥିବା ଏହି ଆର୍ଟିଷ୍ଟଙ୍କ ନାମ ହେଉଛି ଶାରଲେ ଏମିଟଜ ହାୱର୍ଡ଼ । ଏହି ଲାଇବ୍ରେରୀକୁ ଦେଖିଲେ ଆପଣ ତାହା ଭିତରକୁ ଯାଇ ବହି ପଢ଼ିବାକୁ ଆଗ୍ରହ ପ୍ରକାଶ କରିବେ । ଆର୍ଟିଷ୍ଟ ଶାରଲେଙ୍କ କହିବା କଥା ହେଲା, ଏହି ଲାଇବ୍ରେରୀ ନିର୍ମାଣ କରିବା ପାଇଁ ୭୩ ଡ଼ଲାର ବା ୫,୧୩୩ ଟଙ୍କା ଖର୍ଚ୍ଚ ହୋଇଛି । ଏହି ଲାଇବ୍ରେରୀକୁ ନିଜ ଘର ପଛରେ ଥିବା ୧୦୦ ବର୍ଷର ପୁରୁଣା ଗଛରେ ରଚନାତ୍ମକ ଉପାୟରେ ନିର୍ମାଣ କରିଛନ୍ତି । ସେ ସେଥିରେ ଲାଇବ୍ରେରୀୟାନ ଭାବେ କାମ କରନ୍ତି । ସୋସିଆଲ ମିଡ଼ିଆରେ ପ୍ରଚାର ପୂର୍ବରୁ ଏଭଳି ଏକ ଅଭିନବ ଉଦ୍ୟମ ବାବଦରେ କ୍ୱଚିତ୍ ଲୋକ ଜାଣିଥିଲେ । ହେଲେ ଏହାକୁ ଫେସବୁକରେ ପୋଷ୍ଟ କଲା ପରେ ତାଙ୍କ ଉଦ୍ୟମକୁ ମିଳିଲା ଢେର୍ ପ୍ରଶଂସା । ସୋସିଆଲ ମିଡ଼ିଆରେ ସେ ଲେଖିଛନ୍ତି ଯେ, ଆମ ଘର ବାଡ଼ିରେ ଥିବା ଏକ ବିଶାଳ ଗଛ କାଟିବାକୁ ପଡ଼ୁଥିଲା, ଯାହା ଶହେ ବର୍ଷର ପୁରୁଣା । ସେ ଏହାକୁ ନଷ୍ଟ ନ କରି ତାହାକୁ ଠିକ୍ ଭାବେ ଉପଯୋଗ କରିବାକୁ ମନସ୍ଥ କଲେ । ସେଥିରେ ଏକ ଲାଇବ୍ରେରି କରିବାକୁ ନିଷ୍ପତି ନେଲେ । ସେହି ଗଛକୁ କଟାକଟି କରି ସେଥିରେ ଏକ ଲାଇବ୍ରେରୀ ନିର୍ମାଣ କଲେ । ଏହି ଗଛକୁ କାଟି ଏକ ଆଲମାରି ଆକୃତିର ପ୍ରସ୍ତୁତ କରିଛନ୍ତି । ତାହା ଭିତରେ ଲାଇଟ୍ ଲଗାଇବା ସହ ବାହାରେ ମଧ୍ୟ ଲାଇଟ୍ରେ ସଜ୍ଜିତ କରିଛନ୍ତି, ଯାହା ସ୍ଥାନୀୟ ଲୋକଙ୍କୁ ବହୁତ ପସନ୍ଦ ।
BREAKING NEWS
- ଉଚ୍ଚ ମାଧ୍ୟମିକ ଶିକ୍ଷା ପରିଷଦର ୪୨ତମ ପ୍ରତିଷ୍ଠା ଦିବସ ପାଳିତ
- ୩୦ତମ ଗୁରୁ କେଳୁଚରଣ ମହାପାତ୍ର ସମ୍ମାନ ଉତ୍ସବର ଆକର୍ଷଣ କର୍ଣ୍ଣାଟକୀ ସଙ୍ଗୀତ
- ଜାତୀୟ ଶୁଟିଂ ଚୟନରେ ଶ୍ରୀୟଙ୍କାଙ୍କ ପ୍ରଭାବୀ ପ୍ରଦର୍ଶନ
- ମୁଖ୍ୟମନ୍ତ୍ରୀଙ୍କ ସମ୍ବଲପୁର ଗସ୍ତ ବେଳେ ମୁତୟନ ହେବେନି ଜିଲ୍ଲା ପୋଲିସ, ଜାଣନ୍ତୁ କାରଣ
- ୟୁଏସ ଓପନ: ପୁରୁଷ, ମହିଳା ସିଙ୍ଗଲ୍ସ ଲାଇନଅପ ଚୂଡାନ୍ତ
- ଭିନ୍ନ ଗଣେଶ: ଗଛରେ ଗଜାନନ, କୁଲାରେ କାନ
- ଋଷ ଉପରେ ନିଆଁ ବର୍ଷା କଲା ୟୁକ୍ରେନର ‘ଡ୍ରାଗନ’
- ଜମ୍ମୁ-କାଶ୍ମୀରରେ ଗର୍ଜିଲେ ଶାହ, କହିଲେ କବରରେ ଶୋଇଥିବା ଭୋଟରଙ୍କୁ ମଧ୍ୟ ଭୋଟ ଦେବାକୁ ଆଣନ୍ତୁ
- ଅକ୍ଷୟଙ୍କୁ ନେଇ ହରର କମେଡି କରିବେ ପ୍ରିୟଦର୍ଶନ
- ଆସନ୍ତା ୯ରେ ଭାରତ ଗସ୍ତରେ ଆସିବେ ଆବୁଧାବିର କ୍ରାଉନ ପ୍ରିନ୍ସ
Comments are closed.