ପ୍ରଫୁଲ୍ଲ କୁମାର ତ୍ରିପାଠୀଙ୍କ ନିୟମିତ ବିଭାଗ ‘ଭାଷା ଭାଗବତ’
ନାହିଁ କ୍ରିୟା କି ପ୍ରତିକ୍ରିୟା
ଲୋଡ଼ୁଛୁଁ ଅନୁଗ୍ରହ, ଦୟା
ସର୍ବଦା ଦୁଇ ହାତ ଯୋଡ଼ି
ବହୁ କାମ ରହିଛି ପଡ଼ି
ଦେବାଳୟରେ ଲଂବା ଧାଡ଼ି
କ୍ଷେତରେ ପଡ଼ିଛି ମରୁଡ଼ି
ହାତ ଓ ଗୋଡ଼ ଭିଡ଼ି ମୋଡ଼ି
ଭୋକରେ ଛାଡ଼ୁଥାଉଁ ରଡ଼ି
ଆମର ଏପରି ସ୍ବଭାବ
ଯୋଗୁଁ ହିଁ ନାନାଦି ଅଭାବ
ହୋଇଗଲାଣି ଦେହସୁହା
କାହାକୁ କେହି ନୋହୁଁ ସାହା
‘ ଆପଣା କର୍ତବ୍ୟ ପାସୋରି
ସ୍ବଭାଷା ହୁଏନାହିଁ ଧରି ‘
ହେଲେ ହେଁ ଜଣାଶୁଣା କଥା
ବୁଝିପାରୁନୁ ନିଜ ବ୍ୟଥା
ଦେବାଶୀର୍ବାଦ ପାଇ ଭାଷା
ଚଳିବ ଭାବି କଲେ ଆଶା
ଆହୁରି ବଢ଼ିବ ଦୁର୍ଦଶା
ସଭିଏଁ ହେବା ଲୋକହସା
Comments are closed.