ପ୍ରଫୁଲ୍ଲ କୁମାର ତ୍ରିପାଠୀଙ୍କ ନିୟମିତ ବିଭାଗ
ଯଂତ୍ର ବିନା ବି ବହୁ ତତ୍ତ୍ବ
ସେକାଳେ ହେଲା ଆବିଷ୍କୃତ
ଲୋକେ ହୋଇଲେ ଉପକୃତ
ଏହା ହିଁ ଆଦିମୂଳ ସତ୍ୟ
ଏହା ହିଁ ଜ୍ଞାନର ଆଧାର
ବିଜ୍ଞାନ ପ୍ରୟୋଗ-ନିର୍ଭର
ଜ୍ଞାନ ପାଇଁ ଲୋଡ଼ା ମନନ
ବିଜ୍ଞାନ ଲୋଡ଼େ ପରୀକ୍ଷଣ
ଯା’ ଥିଲା ପ୍ରଥମେ ‘ଦର୍ଶନ’
ତା’ପରେ ତା’ ହେଲା ‘ବିଜ୍ଞାନ’
ବଦଳିଯିବା ପରେ ନାମ
ମିଳିଲା ପୂର୍ବ ପରିଣାମ
ଏବେ ତ ହେଲାଣି ‘ପ୍ରଯୁକ୍ତି’
ବିଶ୍ବବ୍ୟାପୀ ପ୍ରବଳ ଶକ୍ତି
କରିହେଉନି ପ୍ରତିରୋଧ
ମାନିବା ପାଇଁ ସର୍ବେ ବାଧ୍ୟ
ପୂର୍ବ-ସ୍ଥାପିତ ଯେତେ ଜ୍ଞାନ
ନିମଂତେ ଦେଖାଇ ପ୍ରମାଣ
କରିବେ ପୁନଃପ୍ରତିଷ୍ଠିତ
ନାହାଂତି ସେହି ଜ୍ଞାନଦୂତ
ଗୋଟିଏ ଭାଷାର ପ୍ରାଧାନ୍ୟ
ଏଯାଏଁ ହୋଇନାହିଁ ନ୍ୟୂନ
ତେଣୁ ଘଟୁନି ସମନ୍ବୟ
ଅଥବା ନୂଆ ଜ୍ଞାନୋଦୟ
ପ୍ରଫଲ୍ଲ କୁମାର ତ୍ରିପାଠୀ
Comments are closed.