ପ୍ରଫୁଲ୍ଲ କୁମାର ତ୍ରିପାଠୀଙ୍କ ନିୟମିତ ବିଭାଗ
ପାଇଲେ ଈଶ୍ବରାନୁଭୂତି
ଧର୍ମୀୟ ଭାବ, ନୀତି, ରୀତି
ଜୀବଂତ ପ୍ରକୃତି ସହିତ
ଜଡ଼ିତ ହୋଇଥାଂତି ସ୍ବତଃ
ଦିବ୍ୟତା ରହିଅଛି ପୂରି
ପ୍ରତିଟି କୋଷରେ ସବୁରି
ଏହାକୁ କଲେ ଅନୁଭବ
ଈଶ୍ବର ସର୍ବତ୍ର ସଂଭବ
ଲକ୍ଷ୍ୟ ଏକ, ଅନେକ ପଥ
ଯୋଗୁଁ ମନୁଷ୍ୟ ବିଚଳିତ
ହୋଇଣ କରଇ ସଂଧାନ
ହରାଇ ନିଜ ବୁଦ୍ଧି, ଜ୍ଞାନ
ଈଶ୍ବର ଯେଣୁ ଅଂତର୍ଗତ
ସବୁ ସଂଧାନ ହୁଏ ବ୍ୟର୍ଥ
ଭାଷାରେ ମିଳେନାହିଁ ଶବ୍ଦ
ସତ୍ୟକୁ କରିବ ଆବଦ୍ଧ
ସତ୍ୟ ଯେହେତୁ ସର୍ବବ୍ୟାପୀ
ବିଲୁପ୍ତ ହୁଏନି କଦାପି
ଅଥଚ ରହିଲେ ଅବ୍ୟକ୍ତ
ହୋଇଯାଏନି ଆପେ ଲୁପ୍ତ
