ମେ’ ୩ ପରେ ବି ଗଡିବନି ଟ୍ରେନ୍‌, ଉଡିବନି ବିମାନ !

ନୂଆଦିଲ୍ଲୀ: କରୋନା ପାଇଁ ସାରା ଦେଶରେ ପଡିଥିବା ତାଲାବନ୍ଦ ମେ’ ୩ ପରେ ଖୋଲିବ । ହେଲେ ଲକଡାଉନ ହଟିବା ପରେ ବି ବିମାନ ଓ ଟ୍ରେନ ଚଳାଚଳ ହୋଇ ନପାରେ । ଏନେଇ ସମ୍ଭାବନା କମ୍ ରହିଛି । ଆଜି ମନ୍ତ୍ରୀ ସମୂହ ବୈଠକରେ ବିମାନ ଓ ଟ୍ରେନ୍ ଚଳାଚଳ ଆରମ୍ଭ ନକରିବା ପାଇଁ ନିଷ୍ପତ୍ତି ହୋଇଛି । ଏହାପରେ ପିଏମ୍‌ଓକୁ ଏନେଇ ଚିଠି ଲେଖି ପ୍ରସ୍ତାବ ଦିଆଯାଇଛି ।
ଲକଡାଉନ୍ ହଟିବା ପରେ ଯଦି ବିମାନ କିମ୍ବା ଟ୍ରେନ୍ ଚାଲେ ତେବେ ଯାତ୍ରୀ ଯାତ୍ରା ସମୟରେ ସାମାଜିତ ଦୂରତା ବଜାର ରଖିବା ସମ୍ଭବ ନୁହେଁ । ତେଣୁ ଏପରି ସ୍ଥିତିରେ କରୋନା ସଂକ୍ରମଣ ଭଳି ବିପଦକୁ ଏଡାଇ ଦେଇହେବ ନାହିଁ । ତେଣୁ ମେ ୩ ପରେ ବି ଘରୋଇ ବିମାନ ଓ ଟ୍ରେନରେ ଟିକଟ ବୁକ ନକରିବାପାଇଁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟକୁ ମନ୍ତ୍ରୀମାନଙ୍କ ସମୂହ ପ୍ରସ୍ତାବ ଦେଇଛନ୍ତି ।