ଭୁବନେଶ୍ୱର: ଆଜି ରାତି ୮ଟାରେ ଭୁବନେଶ୍ୱର, କଟକ ଓ ଭଦ୍ରକରେ ଜାରି ହୋଇଥିବା ସଟଡାଉନ୍ ହଟିବ । ତେବେ ଏହାପରେ ବି କେନ୍ଦ୍ରସରକାରଙ୍କ ଦ୍ୱାରା ଘୋଷିତ ଲକଡାଉନ୍ ଜାରି ରହିବ । ସ୍ଥିତି ସମୀକ୍ଷା ପାଇଁ ଜିଲ୍ଲାପାଳଙ୍କୁ କ୍ଷମତା ଦିଆଯାଇଛି । ସେ ଏହାକୁ ନୀରିକ୍ଷଣ କରିବେ । ଏପରିକି ଆବଶ୍ୟକ ହେଲେ ସଂତ୍ପକ୍ତ ଅଂଚଳରେ ସଟଡାଉନ୍ ଭଳି ସ୍ଥିତି ଜାରି କରିପାରିବେ ।
ମୁଖ୍ୟ ଶାସନ ସଚିବ କହିଛନ୍ତି, ପ୍ରଧାନମନ୍ତ୍ରୀ ଆହ୍ୱାନ କରିଥିବା ଆଜି ରାତି ୯ଟାରେ ୯ମିନିଟ୍ ପାଇଁ ବିଜୁଳି ବନ୍ଦ କରି ଦୀପ ଜାଳି ଏହାକୁ ସଫଳ କରନ୍ତୁ । ତେବେ ଘରର ମୁଖ୍ୟ ସୁଇଚ୍ ବନ୍ଦ କରନ୍ତୁ ନାହିଁ । ହଠାତ୍ ସବୁ ବନ୍ଦ କରିଦେଲେ ଗ୍ରୀଡ୍ ଉପରେ ଚାପ ପଡିବ । ତେଣୁ ଘରେ ବ୍ୟବହୃତ ହେଉଥିବା ଫ୍ରିଜ୍ ଏବଂ ଅନ୍ୟନ୍ୟ ବିଦ୍ୟୁତ୍ ଉପକରଣ ବନ୍ଦ କରନ୍ତୁ ନାହିଁ ବୋଲି ମୁଖ୍ୟ ଶାସନ ସଚିବ ଅନୁରୋଧ କରିଛନ୍ତି ।
Comments are closed.